മൂവാറ്റുപുഴ : വീട്ടമ്മയെ മാനഭംഗപ്പെടുത്താൻ ശ്രമിച്ച കേസിൽ പ്രതി അറസ്റ്റിൽ. ദേവികുളം പള്ളിവാസൽ അമ്പഴച്ചാൽ കുഴുപ്പിള്ളിൽ വീട്ടിൽ അലി (50) യെയാണ് പോത്താനിക്കാട് പോലീസ് അറസ്റ്റ് ചെയ്തത്.
വീട്ടമ്മ കുടുംബമായി താമസിക്കുന്ന വീട്ടിൽ കഴിഞ്ഞ ജൂലൈയിൽ അതിക്രമിച്ചു കയറി മാനഭംഗപ്പെടുത്താൻ ശ്രമിച്ചു. വീട്ടമ്മ എതിർത്തതിനെ തുടർന്ന് ദേഹോപദ്രവം ഏൽപ്പിക്കുകയായിരുന്നു. പല പ്രാവശ്യം പ്രതി വീട്ടിൽ അതിക്രമിച്ചു കയറി ഭീഷണി മുഴക്കുകയും റോഡിൽ വച്ച് അപമാനിക്കുകയും ചെയ്തു.
അന്വേഷണ സംഘത്തിൽ എസ് ഐ മാരായ റോജി ജോർജ് പി. കെ. സാബു വി. സി. സജി എസ് സിപിഒ എം. ആർ ലിജേഷ് എന്നിവരാണ് ഉണ്ടായിരുന്നത്.
