കോഴിക്കോട്:വിവാഹാഭ്യര്ഥന നിരസിച്ച വീട്ടമ്മയെ കൊല ചെയ്യാന് ശ്രമിച്ച പ്രതി പിടിയില്.അത്തോളിയില് നടന്ന സംഭവത്തില് പ്രതി വി. മഷൂദിനെ പൊലീസ് കസ്റ്റഡിയിലെടുത്തു.
കഴിഞ്ഞ വ്യാഴാഴ്ച രാത്രി 7.30 ഓടെയാണ് കേസിനാധാരമായ സംഭവം. വീട്ടമ്മയെ ബ്ലേഡ് കൊണ്ട് മുറിവേല്പ്പിച്ച് കൊലപ്പെടുത്താനാണ് ശ്രമിച്ചത്.ചികിത്സ തേടിയ വീട്ടമ്മ പൊലീസില് പരാതിയും നല്കി.
വെള്ളിയാഴ്ച രാത്രി 10 ഓടെ അസ്വാഭാവികമായി ഒരാള് കുനിയില് കടവ് റോഡ്, ടര്ഫിന് സമീപം നില്ക്കുന്നതായി പൊലീസിന് രഹസ്യ വിവരം ലഭിച്ചു.തുടര്ന്ന് സ്ഥലത്ത് എത്തി പ്രതിയെ കസ്റ്റഡിയിലെടുത്തു.
ശനിയാഴ്ച പരാതിക്കാരിയായ വീട്ടമ്മയെ പ്രതിയുടെ ഫോട്ടോ കാണിച്ചപ്പോള് തിരിച്ചറിഞ്ഞതിനെ തുടര്ന്ന് ഇയാളുടെ അറസ്റ്റ് രേഖപ്പെടുത്തി. പ്രതിയെ സംഭവം നടന്ന സ്ഥലത്ത് എത്തിച്ച് തെളിവെടുപ്പ് നടത്തി.
