തൃശൂര്‍:ക്ഷേത്രക്കുളത്തില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. അടാട്ട് ഉടലക്കാവ് സ്വദേശിയായ എഞ്ചിനീയറിംഗ് വിദ്യാര്‍ഥി ആമ്പാടി ഹൗസില്‍ ശ്രീഹരി (22) യാണ് മരിച്ചത്.പുറനാട്ടുകര ശ്രീ മഹാവിഷ്ണു ക്ഷേത്രക്കുളത്തിലാണ് അപകടം.
അച്ഛന്‍ ഹരീഷിനൊപ്പം വെളുപ്പിന് അഞ്ചരയോടെ ക്ഷേത്രക്കുളത്തില്‍ കുളിക്കാനെത്തിയതായിരുന്നു ശ്രീഹരി.
കുളത്തില്‍ മുങ്ങി കുളിക്കുന്നതിനിടെ ശ്രീഹരിയെ കാണാതായതോടെ പരിഭ്രാന്തനായ പിതാവ് ഉടന്‍തന്നെ അഗ്നിശമനസേനയെ വിവരമറിയിച്ചു. തുടര്‍ന്ന് തൃശൂര്‍ ഫയര്‍ഫോഴ്‌സിന്റെ സ്‌കൂബ ടീം സ്ഥലത്തെത്തി തെരച്ചിലിലാണ് ശ്രീഹരിയെ കണ്ടെത്തിയത്.
ഉടന്‍ തന്നെ ശ്രീഹരിയെ അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അച്ഛന്‍ ഹരീഷ് അടാട്ട് ഉടലക്കാവ് സെന്ററില്‍ സ്‌റ്റേഷനറി കട നടത്തുകയാണ്. അമ്മ ശ്രീജ അടാട്ട് ബി.വി.പി. സ്‌കൂള്‍ വൈസ് പ്രിന്‍സിപ്പല്‍ ആയിരുന്നു.
