കൊച്ചി: ഹൈക്കോടതി അഭിഭാഷക അസോസിയേഷന്‍ വാര്‍ഷികാഘോഷത്തിനിടെ കൂട്ട അടി. കളമശേരിയിലെ ഹാളില്‍ നടന്ന വാര്‍ഷികാഘോഷ പരിപാടിക്കിടെയാണ് സംഭവം.
നാടകാവതരണം സംബന്ധിച്ച തര്‍ക്കമാണ് അഭിഭാഷകര്‍ തമ്മിലുളള കൂട്ടത്തല്ലില്‍ കലാശിച്ചത്.എന്നാല്‍ സംഭവത്തില്‍ പരാതിയില്ലാത്തതിനാല്‍ പൊലീസ് കേസ് എടുത്തില്ല.
നാടകാവതരണത്തിന് മുമ്പ് യുവ അഭിഭാഷകര്‍ തമ്മില്‍ തര്‍ക്കം നടന്നു. ഇത് പിന്നീട് ഏറ്റുമുട്ടലിലേക്ക് തിരിയുകയായിരുന്നു. ജില്ലാ കോടതിയിലെ അഭിഭാഷകരും തര്‍ക്കത്തിലുണ്ടായിരുന്നു.
ആദ്യം ഹാളില്‍ വച്ചും പിന്നീട് ഹാളിന് പുറത്തും കൂട്ടത്തല്ലുണ്ടായി. യുവഅഭിഭാഷകരെ പിടിച്ചുമാറ്റാന്‍ ശ്രമിച്ച മറ്റു അഭിഭാഷകര്‍ക്കും പരിക്കേറ്റു. കാലിനും മുഖത്തം ഉള്‍പ്പെടെ പരിക്കേറ്റവരുണ്ട്.
