കണ്ണൂർ: പി പി ദിവ്യയ്ക്ക് ജാമ്യം കിട്ടുമെന്ന് കരുതിയിരുന്നില്ലെന്ന് ആത്മഹത്യ ചെയ്ത എഡിഎം നവീൻ കുമാറിന്റെ ഭാര്യ മഞ്ജുഷ. മാധ്യമങ്ങളോട് സംസാരിക്കവെയാണ് മഞ്ജുഷയുടെ പ്രതികരണം.
ജാമ്യം നൽകിയ നടപടിയെ അപലപിച്ച മഞ്ജുഷ പ്രതികരിക്കാൻ പരിമിതികളുണ്ടെന്നും പറഞ്ഞു. നേരത്തെ ദിവ്യക്ക് കോടതി ജാമ്യം അനുവദിച്ചാൽ ഹൈക്കോടതിയെ സമീപിക്കാനാണ് തീരുമാനമെന്ന് നവീൻ ബാബുവിന്റെ കുടുംബം വ്യക്തമാക്കിയിരുന്നു.
അതേ സമയം ദിവ്യയുടെ ജാമ്യാപേക്ഷ തലശ്ശേരി സെഷൻസ് കോടതിയാണ് അംഗീകരിച്ചത്. കർശന ഉപാധികളോടെയാണ് ജാമ്യം. പതിനൊന്നു ദിവസത്തെ ജയിൽ വാസത്തിന് ശേഷം ഇന്ന് തന്നെ ദിവ്യ ജയിൽ മോചിതയായേക്കുമെന്നാണ് റിപ്പോർട്ട്.
അതേസമയം പി പി ദിവ്യയ്ക്കെതിരെ പാര്ട്ടി അച്ചടക്ക നടപടി സ്വീകരിച്ചിരുന്നു. ദിവ്യയെ പാര്ട്ടി അംഗം മാത്രമായി തരംതാഴ്ത്താനാണ് തീരുമാനം. സിപിഎം കണ്ണൂര് ജില്ലാ കമ്മിറ്റിയോട് സംസ്ഥാന നേതൃത്വമാണ് നടപടി സ്വീകരിക്കാന് ആവശ്യപ്പെട്ടത്.
