തിരുവനന്തപുരം: കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് (KIED) സംരംഭകര്‍ക്കായി ഡിജിറ്റല്‍ മാര്‍ക്കറ്റിങ്ങില്‍ ത്രിദിന പരിശീലനം സംഘടിപ്പിക്കുന്നു. നവംബര്‍ 13 മുതല്‍ 15 വരെ കളമശേരിയിലെ KIED ക്യാമ്പസിലാണു പരിശീലനം. എംഎസ്എംഇ മേഖലയിലെ സംരംഭകര്‍ക്കും എക്‌സിക്യൂട്ടീവ്‌സിനും പരിശീലനത്തില്‍ പങ്കെടുക്കാം. ഇന്‍ട്രൊഡക്ഷന്‍ ടു ഡിജിറ്റല്‍ മാര്‍ക്കറ്റിങ് ടൂള്‍സ്, ഗൂഗിള്‍ മൈ ബിസിനസ്, ഇന്‍ട്രൊഡക്ഷന്‍ ടു കാന്‍വ, സോഷ്യല്‍ മീഡിയ മാര്‍ക്കറ്റിങ് ഫോര്‍ ബിസിനസ്, വെബ്‌സൈറ്റ് ഡെവലപ്‌മെന്റ് ആന്‍ഡ് മാനേജ്മെന്റ്, എസ്ഇഒ സ്ട്രാറ്റജീസ്, ഗൂഗിള്‍ ആഡ്‌സ്, എഐ ഇന്‍ മാര്‍ക്കറ്റിങ്, പ്രാക്ടിക്കല്‍ സെഷന്‍സ് തുടങ്ങിയ വിഷയങ്ങളാണ് പരിശീലനത്തില്‍ ഉള്‍പ്പെടുത്തിയിരിക്കുന്നത്. 2950 രൂപയാണ് പരിശീലന ഫീസ്. പട്ടികജാതി പട്ടികവര്‍ഗ വിഭാഗത്തില്‍പ്പെട്ടവര്‍ക്ക് ഇളവുണ്ട്. പങ്കെടുക്കാന്‍ താല്‍പര്യമുള്ളവര്‍ http://kied.info/training-calender/ ല്‍ നവംബര്‍ 10 നകം അപേക്ഷ സമര്‍പ്പിക്കണം. തിരഞ്ഞെടുക്കപ്പെടുന്ന 30 പേര്‍ ഫീസടച്ചാല്‍ മതി. വിശദവിവരങ്ങള്‍ക്ക്: 0484-2532890, 0484- 2550322, 9188922800.
