ഗാസ : ഹമാസ് ഭീകരർക്ക് താവളമായ ഗാസ ഖാൻ യൂനിസിലെ അൽ ഫറൂഖ് മസ്ജിദ് ഇസ്രായേൽ വ്യോമാക്രമണത്തിൽ തകർന്നു . ഖാൻ യൂനിസ് ലക്ഷ്യമിട്ടായിരുന്നു കഴിഞ്ഞ ദിവസങ്ങളിൽ ഇസ്രായേൽ നടത്തിയ ആക്രമണം.അൽ-ഫാറൂഖ് മസ്ജിദ് മറയാക്കി ഭീകരർ പ്രവർത്തിക്കുന്നതായി നേരത്തെ സൂചനകൾ ഉണ്ടായിരുന്നു .
ഞായറാഴ്ച പുലർച്ചെ ഇസ്രായേൽ നടത്തിയ വ്യോമാക്രമണത്തിൽ ലെബനനിലെ തെക്കൻ ഗ്രാമമായ ക്ഫാർ ടിബ്നിറ്റിലെ പള്ളി പൂർണ്ണമായും തകർന്നു.ഹിസ്ബുള്ള ഭീകരർ ലെബനനിലെ പള്ളികളിൽ ആയുധങ്ങൾ ശേഖരിച്ചിരിക്കുന്നതായി നേരത്തേ റിപ്പോർട്ടുകൾ ഉണ്ടായിരുന്നു.
തെക്കൻ ലെബനനിലെ മസ്ജിദിൽ നിന്ന് ആയുധശേഖരവും കണ്ടെത്തി.വെടിയുണ്ടകൾ, സ്നിപ്പർ റൈഫിളുകൾ, ചെറു മിസൈലുകൾ, മറ്റ് ആയുധങ്ങൾ എന്നിവയാണ് സൈന്യം കണ്ടെത്തിയത് .
