കേരളപ്പിറവിദിനത്തില്‍ 13353 സ്ഥാപനങ്ങളും ഓഫീസുകളും ഹരിത മാതൃകകളായി പ്രഖ്യാപിക്കാന്‍ സംസ്ഥാന സര്‍ക്കാര്‍

തിരുവനന്തപുരം: ശുചിത്വ കേരളം സുസ്ഥിര കേരളം ലക്ഷ്യമിട്ട് സംസ്ഥാനമൊട്ടാകെ സംഘടിപ്പിക്കുന്ന മാലിന്യമുക്തം നവകേരളം ജനകീയ ക്യാമ്പയിന്‍ ലക്ഷ്യത്തിലേക്ക് എത്തുന്നതിന്റെ ഭാഗമായുള്ള ഹരിത മാതൃകാ പ്രഖ്യാപനങ്ങള്‍ സംസ്ഥാനത്ത് നവംബര്‍ 1 കേരളപ്പിറവി ദിനത്ത നവംബര്‍ 1 ന് കേരളത്തില്‍ 13353 സ്ഥാപനങ്ങളും ഓഫീസുകളുമാണ് ഹരിതമായി പ്രഖ്യാപിക്കുന്നതില്‍ നടക്കും. ഒക്ടോബര്‍ 2 ന് മുഖ്യമന്ത്രി ഉദ്ഘാടനം ചെയ്ത ഈ ജനകീയ ക്യാമ്പയിന്റെ പ്രവര്‍ത്തനങ്ങള്‍ തദ്ദേശസ്വയംഭരണ സ്ഥാപനങ്ങളുടെ നേതൃത്വത്തിലാണ് നടക്കുന്നത്.
അഞ്ച് ഘട്ടങ്ങളിലായി നടത്തുന്ന ക്യാമ്പയിന്റെ ഒന്നാം ഘട്ട പ്രവര്‍ത്തനങ്ങള്‍ പ്രഖ്യാപിക്കുന്ന കേരളപ്പിറവി ദിനത്തില്‍ തദ്ദേശസ്വയംഭരണ സ്ഥാപനങ്ങളുടെ നേതൃത്വത്തില്‍ സംസ്ഥാനത്തെ തിരഞ്ഞെടുത്ത ഹരിത ടൗണുകള്‍, ഹരിത മാര്‍ക്കറ്റുകള്‍, പൊതുസ്ഥലങ്ങള്‍, ഹരിത ടൂറിസം കേന്ദ്രങ്ങള്‍, ഹരിത വിദ്യാലയങ്ങള്‍, ഹരിത സ്ഥാപനങ്ങള്‍, ഹരിത കലാലയങ്ങള്‍, ഹരിത അയല്‍ക്കൂട്ടങ്ങള്‍ തുടങ്ങിയവയാണ് ഹരിത പദവിയിലേക്ക് എത്തുന്നത്.
നവംബര്‍ 1 ന് കേരളത്തില്‍ 13353 സ്ഥാപനങ്ങളും ഓഫീസുകളുമാണ് ഹരിതമായി പ്രഖ്യാപിക്കുന്നത്. എല്ലാ ജില്ലകളിലുമായി 68 ടൂറിസ്റ്റ് കേന്ദ്രങ്ങള്‍ ഇന്നേ ദിവസം ഹരിത ടൂറിസം കേന്ദ്രങ്ങളായി മാറും. 810 ടൗണുകള്‍ ഹരിത സുന്ദരടൗണുകളായി പ്രഖ്യാപിക്കും. 6048 ഹരിതവിദ്യാലയങ്ങളെയും 315 പൊതുസ്ഥലങ്ങളെയും 298 ഹരിതകലാലയങ്ങളെയും ഹരിതമാക്കി പ്രഖ്യാപിക്കും. 24713 അയല്‍ക്കൂട്ടങ്ങളാണ് കേരളപ്പിറവിയില്‍ ഹരിത പദവിയിലേക്ക് എത്തുന്നത്. 2024 ഒക്ടോബര്‍ 2 ഗാന്ധിജയന്തി ദിനംമുതല്‍ 2025 മാര്‍ച്ച് 30 വരെ (അന്താരാഷ്‌ട്ര സീറോ വേസ്റ്റ് ദിനം ) വരെയാണ് ജനകീയ ക്യാമ്പയിന്‍ സംഘടിപ്പിക്കുക.