അമിതമായി വെള്ളം കുടിച്ചോ എന്ന് എങ്ങനെയറിയാം?; പ്രതി ദിനം വെള്ളം കുടിക്കേണ്ടതെത്ര…!

അമിതമായാല്‍ എന്തും ദോശമാണെന്ന് നമുക്കറിയാം. അതിപ്പോ വെള്ളത്തിന്റെ കാര്യത്തിലായാലും അങ്ങനെ തന്നെ. അമിതമായി ശരീരത്തില്‍ ജലാംശം എത്തുന്നത് ഗുണത്തേക്കാള്‍ ഏറെ ദോഷമായി ബാധിച്ചേക്കാം. ഇത് എങ്ങനെ തിരിച്ചറിയുമെന്നും ഒരോ ദിവസവും വെള്ളം കുടിക്കേണ്ടത് എങ്ങനെയെന്നും നോക്കിയാലോ…

അമിതമായി വെള്ളം കുടിച്ചോ എന്ന് എങ്ങനെ അറിയും?

നിങ്ങളുടെ ജല ഉപഭോഗം നിങ്ങളുടെ ശരീരത്തിന് ആവശ്യമുള്ളതിനേക്കാള്‍ കൂടുതലാണോ എന്ന് മനസിലാക്കുന്നതിനായി ഈ പ്രാരംഭ ലക്ഷണങ്ങള്‍ സഹായിക്കും. ഇടയ്‌ക്കിടെ മൂത്രമൊഴിക്കല്‍, വ്യക്തമായ മൂത്രം (അമിത ജലാംശത്തിന്റെ ആദ്യകാല അടയാളം) തലവേദന, ഓക്കാനം, അല്ലെങ്കില്‍ ആശയക്കുഴപ്പം കൈകളിലോ കാലുകളിലോ മുഖത്തോ വീക്കം എന്നിവ പൊതുവെ കണ്ട് വരുന്ന ചില പ്രശ്‌നങ്ങളാണ്. ഇനി ജല ലഹരിയുടെ കാര്യത്തില്‍, അടിയന്തിര വൈദ്യസഹായം നിര്‍ണായകമാണ്. ഇലക്ട്രോലൈറ്റ് ബാലന്‍സ് പുനഃസ്ഥാപിക്കുന്നതിന് നിങ്ങള്‍ ഉടന്‍ വെള്ളം കുടിക്കുന്നത് നിര്‍ത്തുകയും അടിയന്തിര വൈദ്യസഹായം തേടുകയും വേണം.

കൂടുതല്‍ ഗുരുതരവാസ്ഥയിലുള്ള സന്ദര്‍ഭങ്ങളില്‍ ശരീരത്തെ അധിക ജലം പുറന്തള്ളുന്നതിനായി ഡൈയൂററ്റിക്‌സ് ഉപയോഗിച്ചേക്കാം. സോഡിയം അളവ് ശ്രദ്ധാപൂര്‍വ്വം ശരിയാക്കേണ്ടത് അത്യാവശ്യമാണ്. വളരെ വേഗത്തിലുള്ള തിരുത്തല്‍ സെന്‍ട്രല്‍ പോണ്ടൈന്‍ മൈലിനോലിസിസ് (സിപിഎം) പോലുള്ള അപകടകരമായ സങ്കീര്‍ണതകള്‍ക്ക് ഇവ വഴിവച്ചേക്കാം.

ഒരു ദിവസം എത്ര വെള്ളം കുടിക്കണം?

കാലാവസ്ഥ, ശാരീരിക പ്രവര്‍ത്തനങ്ങള്‍, മൊത്തത്തിലുള്ള ആരോഗ്യം തുടങ്ങിയ ഘടകങ്ങളെ ആശ്രയിച്ചാണ് ജലത്തിന്റെ ആവശ്യകത നിര്‍ണയിക്കുന്നത്. എന്നാല്‍ പൊതുവായി ശ്രദ്ധിക്കേണ്ട കാര്യങ്ങള്‍ ഇവയൊക്കെയാണ്…

പുരുഷന്മാര്‍: പ്രതിദിനം മൊത്തം ദ്രാവകത്തിന്റെ ഏകദേശം 3.7 ലിറ്റര്‍ (125 ഔണ്‍സ്) (വെള്ളം, മറ്റ് പാനീയങ്ങള്‍, ഭക്ഷണം എന്നിവയുള്‍പ്പെടെ).
സ്ത്രീകള്‍: പ്രതിദിനം മൊത്തം ദ്രാവകത്തിന്റെ ഏകദേശം 2.7 ലിറ്റര്‍ (91 ഔണ്‍സ്).

ഈ തുകകള്‍ കുടിവെള്ളം മാത്രമല്ല, എല്ലാ സ്രോതസ്സുകളില്‍ നിന്നുമുള്ള ദ്രാവകങ്ങളാണ്. ‘ശരീരത്തിന് ആവശ്യമുള്ളതിനേക്കാള്‍ കൂടുതല്‍ വെള്ളം ഉപയോഗിച്ചാല്‍ ഓവര്‍ഹൈഡ്രേഷന്‍ സംഭവിക്കാം. അതിനാല്‍ ദാഹം, മൂത്രത്തിന്റെ നിറം (ഇത് ഇളം മഞ്ഞ ആയിരിക്കണം) പോലുള്ള നിങ്ങളുടെ ശരീരത്തിന്റെ സിഗ്‌നലുകള്‍ ശ്രദ്ധിക്കേണ്ടത് പ്രധാനമാണ്.

മുതിര്‍ന്നവര്‍ക്ക് (ഏകദേശം 8-12 കപ്പ്) പ്രതിദിനം 2 മുതല്‍ 3 ലിറ്റര്‍ വെള്ളം വരെയും കുടിക്കാവുന്നതാണ്.

ഇനി കൂടുതല്‍ വ്യായാമം ചെയ്യുന്നതോ വിയര്‍ക്കുന്നതോ ആയ ആളുകളാണെങ്കില്‍ ഇത്തരക്കാര്‍ക്കും കൂടുതല്‍ വെള്ളം ആവശ്യമാണ്. കൂടാതെ ചൂടുള്ളതോ വരണ്ട കാലാവസ്ഥയോ ഉള്ളവര്‍ ദ്രാവക നഷ്ടം നികത്താന്‍ വെള്ളം കുടിക്കുന്നത് നല്ലതാണ്.