തിരുവനന്തപുരം: സ്കൂള് കുട്ടിക്ക് ചികിത്സ ലഭ്യമാക്കുന്നതില് വീഴ്ച വരുത്തിയ സംഭവത്തില് രണ്ട് ലക്ഷം രൂപ ധനസഹായം നല്കാന് സ്ക്കൂള് അധികൃതര്ക്ക് ബാലാവകാശ കമ്മിഷന് ഉത്തരവ്. കൂടാതെ കുട്ടിയുടെ മുഴുവന് ചികിത്സാ ചിലവുകളും സ്കൂള് മാനേജര് വഹിക്കണമെന്നും കമ്മിഷന് അംഗം എന്.സുനന്ദ പുറപ്പെടുവിച്ച ഉത്തരവില് നിര്ദ്ദേശിച്ചു.
ഹര്ജിയും, റിപ്പോര്ട്ടുകളും, രേഖകളും, മൊഴിയും കമ്മിഷന് സമഗ്രമായി പരിശോധിച്ചു. സമഗ്രമായി പരിശോധിച്ച കമ്മീഷന്, ക്ലാസ്സില് ഗ്രൂപ്പ് ഫോട്ടോ എടുക്കവെ ആക്കുളം ഗുഡ് ഷെപ്പേര്ഡ് കിന്റര്ഗാര്ഡന് സ്കൂളിലെ യു.കെ.ജി വിദ്യാര്ഥിക്ക് ബഞ്ചിന്റെ മുകളില് നിന്ന് വീണ് പരിക്കേല്ക്കുകയായിരുന്നു.
കുട്ടിയുടെ തലയോട് പൊട്ടി. രക്തം വരുകയും ശര്ദ്ദിക്കുകയും ചെയ്തു. ആശുപത്രിയില് എത്തിക്കുന്നതിനു പകരം വീട്ടിലേയക്ക് വിളിച്ച് രക്ഷിതാക്കളെ വരുത്തുകയായിരുന്നു. അവരാണ് ആശുപത്രിയില് എത്തിച്ചത്. സ്ക്കൂള് അധികൃതരുടേയും ഡോക്ടര്മാരുടേയും വിശദമായ മൊഴി കമ്മീഷന് എടുത്തിരുന്നു.
യഥാസമയം ചികിത്സ ലഭ്യമാക്കുന്നതില് സ്കൂള് അധികൃതര് വീഴ്ചവരുത്തിയതിലൂടെ ഗൗരവതരമായ ബാലാവകാശ ലംഘനം നടന്നതായി കമ്മിഷന് വിലയിരുത്തി. കുട്ടിക്ക് സംഭവിച്ച മാനസികവും ശാരീരികവുമായ ആഘാതത്തിന് നല്കുന്ന ധനസഹായ തുക ഭാവി ചികിത്സക്ക് ബാങ്ക് അക്കൗണ്ടില് നിക്ഷേപിക്കുന്നതിനും സ്കൂളിലെ അധ്യാപകര്ക്കും, പ്രിന്സിപ്പല് എച്ച്.എം എന്നിവര്ക്കും ബാലാവകാശങ്ങളെക്കുറിച്ച് ബോധവല്ക്കരണം നല്കുന്നതിനും സ്കൂള് മാനേജര്ക്ക് കമ്മിഷന് നിര്ദ്ദേശം നല്കി.
യു. കെ. ജി വിദ്യാര്ഥി ബഞ്ചിന്റെ മുകളില് നിന്ന് വീണു : രണ്ട് ലക്ഷം സ്ക്കൂള് നല്കണം, ചികിത്സാ ചിലവുകളും വഹിക്കണം: ബാലാവകാശ കമ്മിഷന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.