മുംബൈ: പൊതുജനങ്ങള്‍ക്ക് യൂസഫലിയുടെ ലുലു ഗ്രൂപ്പിന്റെ 25 ശതമാനം ഓഹരികള്‍ സ്വന്തമാക്കാന്‍ അവസരം. അബുദാബി ഓഹരി വിപണിയിലാണ് കമ്പനി ലിസ്റ്റ് ചെയ്യുക. 258 കോടിയിലധികം ഓഹരികളാണ് യൂസഫലിയുടെ ലുലു ഗ്രൂപ്പ് വില്‍ക്കുന്നത്. ഓഹരിയുടെ വില നിശ്ചയിച്ചിട്ടില്ല. കൃത്യമായ നിരക്ക് ഒക്ടോബര്‍ അവസാനവാരത്തോടെ അറിയാനാകും.
ഗള്‍ഫ് ഇന്ത്യക്കാര്‍ക്ക് നല്ലൊരു നിക്ഷേപമാര്‍ഗ്ഗം
നല്ല വളര്‍ച്ചാകുതിപ്പുള്ള ലുലു ഗ്രൂപ്പിന്റെ ഓഹരികള്‍ സ്വന്തമാക്കാന്‍ സുവര്‍ണ്ണാവസരമാണ് ഗള്‍ഫിലെ ഇന്ത്യക്കാര്‍ക്ക് ലഭിക്കുന്നത്. നല്ലൊരു ഭാവി നിക്ഷേപമായിരിക്കും ലുലു ഓഹരികളിലുള്ള നിക്ഷേപമെന്നാണ് സാമ്പത്തിക വിദഗ്ധരുടെ പ്രതീക്ഷ. ഏതാനും വര്‍ഷങ്ങള്‍ക്കുള്ളില്‍ ഓഹരി വില ഇരട്ടിച്ചേക്കുമെന്നും കരുതുന്നു.
ഒക്ടോബര്‍ 28 മുതൽ നവംബർ 5 വരെ നടക്കുന്ന ഐപിഒയിൽ 258,22,26,338 കോടി ഓഹരികൾ വിൽക്കും. നവംബർ 14-ന് കമ്പനി ലിസ്റ്റ് ചെയ്യുമെന്നാണ് പ്രതീക്ഷ. അബുദാബി: ഗൾഫിലും ഇന്ത്യയിലുമായി നിരവധി ശാഖകളുള്ള, അബുദാബി ആസ്ഥാനമായി പ്രവർത്തിക്കുന്ന എംഎ യൂസഫലിയുടെ ഉടമസ്ഥതയിലുള്ള ലുലു ഗ്രൂപ്പ് അബുദാബി സ്റ്റോക്ക് മാർക്കറ്റിലാണ് കമ്പനി ലിസ്റ്റ് ചെയ്യുക. നവംബർ 14-ന് കമ്പനി ലിസ്റ്റ് ചെയ്യുമെന്നാണ് പ്രതീക്ഷ. 89 ശതമാനം ഓഹരികൾ യോഗ്യരായ നിക്ഷേപക സ്ഥാപനങ്ങൾക്കും ബാക്കി ഒരു ശതമാനം ലുലുവിന്റെ ജീവനക്കാർക്കുമായിരിക്കും.
ഗൾഫിലും ഇന്ത്യയിലുമായി നിരവധി ശാഖകളുള്ള അബുദാബി ആസ്ഥാനമായി പ്രവർത്തിക്കുന്ന ഒരു ചില്ലറ വ്യാപാര ശൃംഖലയാണ് ലുലു ഹൈപ്പർ മാർക്കറ്റ്. പ്രവാസി മലയാളിയായ എം.എ. യൂസഫലി സ്ഥാപിച്ച “എംകെ”(EMKE) ഗ്രൂപ്പിന്റെ ഉടമസ്ഥതയിലുള്ളതാണിത്. യൂസഫലി തന്നെയാണിതിന്റെ മാനേജിംഗ് ഡൈറക്ടറും. ഗൾഫിലും ഇന്ത്യയിലുമായി 164 ലുലു ഹൈപർമാർക്കറ്റുകളാണുള്ളത്. 20000 കോടിയാണ് ഇപ്പോഴത്തെ ലുലു ഗ്രൂപ്പിന്റെ ആസ്തി. ഇനി 30000 കോടി കൂടി നിക്ഷേപിക്കും. 20 രാജ്യങ്ങളില്‍ ലുലു ഉണ്ട്. 800 കോടി ഡോളര്‍ ആണ് വിറ്റുവരുമാനം. 65,000 ജീവനക്കാര്‍ ഉണ്ട്.
