കാലാവസ്ഥാ വ്യതിയാനവും ജീവിത ശൈലിയിലുണ്ടായ മാറ്റങ്ങളുമെല്ലാം മുഖത്തിന്റെ ഭംഗിയെ പ്രതികൂലമായി ബാധിക്കാറുണ്ട്. സൂര്യപ്രകാശത്തിലെ അള്ട്രാവയലറ്റ് രശ്മികളേറ്റ് ചര്മ്മത്തില് കരുവാളിപ്പ് ഉണ്ടാകുന്നത് പതിവാണ്. ഇത്തരം സണ് ടാന് അഥവാ കരുവാളിപ്പ് അകറ്റാന് പല ക്രീമുകള് വാങ്ങി പരീക്ഷിച്ചവരായിരിക്കും അധികവും. എന്നാല് ഇതിന് വീട്ടില് തന്നെ ചെയ്യാവുന്ന ചില പൊടിക്കൈകളുണ്ട്. ഇവ ഏതെല്ലാമെന്ന് നോക്കിയാലോ…
. തൈര്- തക്കാളി
ഒരു ടീസ്പൂണ് തൈര്, ഒരു ടീസ്പൂണ് തക്കാളി നീര് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം തണുത്ത വെള്ളത്തില് കഴുകാം.
2. കടലമാവ്- തൈര്
ഒരു ടീസ്പൂണ് തൈര്, ഒരു ടീസ്പൂണ് കടലമാവ്, രണ്ടുതുള്ളി നാരങ്ങാനീര്, ഒരു ടീസ്പൂണ് തേന് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം തണുത്ത വെള്ളത്തില് കഴുകാം.
3. പപ്പായ- മഞ്ഞള്
അര കപ്പ് പപ്പായ, അര ടീസ്പൂണ് തേന്, ഒരു നുള്ള് മഞ്ഞള് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്തും ശരീരത്തില് കരുവാളിപ്പുള്ള ഭാഗങ്ങളിലും പുരട്ടി പത്ത് മിനിറ്റിന് ശേഷം തണുത്ത വെള്ളത്തില് കഴുകി കളയാം.
4. കോഫി- തൈര്
ഒരു ടീസ്പൂണ് കോഫി, ഒരു ടീസ്പൂണ് തൈര്, ഒരു നുള്ള് തേന് എന്നിവ മിശ്രിതമാക്കി മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം.
5. കറ്റാര്വാഴ ജെല്- തേന്
രണ്ട് ടീസ്പൂണ് കറ്റാര്വാഴ ജെല്ലും ഒരു ടീസ്പൂണ് തേനും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി 10 മിനിറ്റിന് ശേഷം തണുത്ത വെള്ളത്തില് കഴുകി കളയുക.
6. ഉരുളക്കിഴങ്ങ്- തേന്
ഒരു ടേബിള്സ്പൂണ് ഉരുളക്കിഴങ്ങിന്റെ നീര്, ഒരു ടീസ്പൂണ് തേന് എന്നിവ മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. പത്ത് മിനിറ്റിന് ശേഷം കഴുകി കളയാം.
