കല്പ്പറ്റ: വയനാട്ടിലെ സ്പാ, മസാജ് കേന്ദ്രങ്ങളില് പൊലീസ് പരിശോധന . ആയുര്വേദ മസാജ് നടത്തുന്ന സ്ഥാപനങ്ങള്ക്ക് മതിയായ രേഖകളില്ലെന്ന് കണ്ടെത്തി. ഇതോടെ 37 സ്ഥാപന നടത്തിപ്പുകാര്ക്ക് നോട്ടീസ് നല്കി.
നോട്ടീസ് ലഭിച്ച സ്ഥാപന ഉടമകള് ഒരാഴ്ച്ചക്കുള്ളില് മതിയായ രേഖകള് ഹാജരാക്കണം. മസാജ് കേന്ദ്രങ്ങളില് അനാശാസ്യ പ്രവര്ത്തികള് നടക്കുന്നതായി വിവരം ലഭിച്ച പ്രകാരമാണ് പരിശോധന നടത്തിയത്.
ആയുര്വേദ മസാജ് എന്ന പേരില് അനാശാസ്യ പ്രവര്ത്തനങ്ങള് ശ്രദ്ധയില്പ്പെട്ടാല് അത്തരം സ്ഥാപനങ്ങള്ക്കെതിരെ കര്ശന നടപടിയെടുക്കുമെന്ന് പൊലീസ് അറിയിച്ചു. ടൂറിസത്തിന്റെ മറപിടിച്ചുളള അനാശാസ്യ പ്രവര്ത്തനങ്ങള്ക്കെതിരെ കര്ശന നടപടി ഉണ്ടാകും.
