മുംബൈ ; അജിത് പവാറിന്റെ നേതൃത്വത്തിലുള്ള എൻസിപിയുടെ മുതിർന്ന നേതാവ് ബാബ സിദ്ദിഖിനെ അക്രമികൾ വെടിവച്ചു കൊലപ്പെടുത്തി . മുംബൈയിലെ ബാന്ദ്ര വെസ്റ്റിലാണ് സംഭവം . രാത്രി 9.15 ഓടെ നിർമ്മൽ നഗർ പ്രദേശത്ത് നവരാത്രി ആഘോഷങ്ങൾ നടക്കുന്നുണ്ടായിരുന്നു.ഇതിനിടെയായിരുന്നു ആക്രമണം.
ബാബ സിദ്ദിഖിയുടെ ഓഫീസിന് സമീപമുള്ള രാം മന്ദിറിന് സമീപത്ത് വച്ചാണ് വെടിയുതിർത്തത്. ബാബ സിദ്ദിഖിക്ക് നേരെ രണ്ട് മൂന്ന് റൗണ്ട് വെടിയുതിർത്തു. നെഞ്ചിലും വയറിലുമാണ് വെടിയേറ്റത്. ഗുരുതരമായി പരിക്കേറ്റ സിദ്ദിഖിനെ ആശുപത്രിയിൽ പ്രവേശിപ്പിച്ചെങ്കിലും ചികിത്സയ്‌ക്കിടെ മരണം സംഭവിക്കുകയായിരുന്നു. സംഭവവുമായി ബന്ധപ്പെട്ട് രണ്ട് പേരെ മുംബൈ പോലീസ് അറസ്റ്റ് ചെയ്തിട്ടുണ്ട്.
ബാബ സിദ്ദിഖിക്കൊപ്പമുണ്ടായിരുന്ന സഹപ്രവർത്തകന്റെ കാലിനും വെടിയേറ്റു. മരണവിവരം അറിഞ്ഞ് താരങ്ങളായ സഞ്ജയ് ദത്ത് , സൽമാൻ എന്നിവരും ആശുപത്രിയിൽ എത്തി.
