ഹൈദരാബാദ്: ഹൈദരാബാദില് ദുര്ഗാ ദേവിയുടെ വിഗ്രഹം അക്രമികള് തകര്ത്തു. നമ്പള്ളി എക്സിബിക്ഷന് ഗ്രൗണ്ടിലെ നവരാത്രിക്കായി തീര്ത്ത മണ്ഡവും പൂജാ സാമഗ്രികളുമാണ് അക്രമികള് നശിപ്പിച്ചത്.
ബേഗം ബസാര് പോലീസ് കേസെടുത്ത് അന്വേഷണം ആരംഭിച്ചു. നവരാത്രി ആഘോഷങ്ങളോടനുബന്ധിച്ച് വ്യാഴാഴ്ച ഇവിടെ ദാണ്ഡ്യ ഉള്പ്പെടെ വിവിധ പരിപാടികള് സംഘടിപ്പിച്ചിരുന്നു. പരിപാടി അവസാനിച്ചതിന് ശേഷം അജ്ഞാത സംഘമെത്തി നവരാത്രി മണ്ഡപം നശിപ്പിച്ചതാകുമെന്ന് പോലീസ് അറിയിച്ചു.
അന്വേഷണം ഊര്ജിതമാക്കി. സിസിടിവി ദൃശ്യങ്ങള് പരിശോധിച്ച് വരികയാണെന്ന് അസിസ്റ്റന്റ് പോലീസ് കമ്മിഷണര് എ. ചന്ദ്രശേഖര് അറിയിച്ചു. അക്രമികളെ പിടികൂടാന് വൈകുന്നതില് പ്രദേശത്ത് പ്രതിഷേധം ഉടലെടുത്തിട്ടുണ്ട്. പ്രതിഷേധക്കാര് ബേഗം ബസാര് പോലീസ് സ്റ്റേഷനുമുന്നില് തടിച്ചുകൂടി.
നമ്പിള്ളിയിലെ റോഡും ഉപരോധിച്ചു. ബിജെപി നേതാവ് മാധവി ലത വെള്ളിയാഴ്ച ഉച്ചയോടെ സ്ഥലം സന്ദര്ശിച്ചു. അതിനിടെ നവരാത്രി മണ്ഡപത്തിലെ മറ്റൊരു വിഗ്രഹം സ്ഥാപിച്ച് പൂജ പുനരാരംഭിച്ചു.
