തിരുവനന്തപുരം : രാഷ്ട്രീയമോ മതവിശ്വാസമോ പുറത്തുപറയാന് ഹിന്ദുക്കളായ തൊഴിലാളികള് ഭയപ്പെടുന്ന സാഹചര്യമാണ് ഇടതുഭരണത്തിന് കീഴിലുള്ളതെന്ന് മുന് കേന്ദ്രമന്ത്രി വി.മുരളീധരന്.സംസ്ഥാന സര്ക്കാരിന്റെ ജനവിരുദ്ധ നയങ്ങള് ചോദ്യം ചെയ്യുന്ന ജീവനക്കാര്ക്ക് പ്രതികാര നടപടി നേരിടേണ്ടി വരുന്നു.
കയ്യില് ചരടോ നെറ്റിയില് കുറിയോ ഉള്ളവരോട് സര്ക്കാര് പ്രതികാര മനോഭാവം സ്വീകരിക്കുന്നു.തൊഴിലാളി വിരുദ്ധ നയങ്ങളെ ചോദ്യം ചെയ്യുന്ന എംപ്ലോയീസ് സംഘ് ജീവനക്കാരുള്പ്പെടെയുള്ളവരെ വിദൂര സ്ഥലങ്ങളിലേയ്ക്ക് സ്ഥലം മാറ്റുന്നു. കേരള സെക്രട്ടറിയറ്റ് എംപ്ലോയീസ് സംഘ് മുപ്പത്തിയെട്ടാം വാര്ഷിക സമ്മേളനം ഉദ്ഘാടനം ചെയ്യുകയായിരുന്നു വി മുരളീധരന്.
സര്ക്കാര് ജീവനക്കാരും പെന്ഷന്കാരും സമാനതകളില്ലാത്ത വഞ്ചനയാണ് നേരിടുന്നത്. ജീവനക്കാര്ക്കൊപ്പം നില്ക്കേണ്ട കേരള അഡ്മിനിസ്ട്രേട്ടീവ് ട്രൈബുണല് സര്ക്കാരിന്റെ ദാസ്യപ്പണിയെടുക്കുന്നുവെന്നും വി.മുരളീധരന് കുറ്റപ്പെടുത്തി.
ശബരിമല തീര്ത്ഥാടനത്തിന് ഏര്പ്പെടുത്തിയ അമിത നിയന്ത്രണം അംഗീകരിക്കാനാകില്ല. നിയന്ത്രണമല്ല, ഭക്തര്ക്ക് ദര്ശനത്തിനുള്ള സാഹചര്യമാണ് ഒരുക്കേണ്ടത്.
കോടികളുടെ കാണിക്ക വരുമാനമായി നേടുന്ന സര്ക്കാരിന് ഭക്തര്ക്ക് സൗകര്യമൊരുക്കേണ്ട ഉത്തരവാദിത്തമുണ്ട്.വിശ്വാസത്തെ തകര്ക്കാര് കമ്യൂണിസ്റ്റ് സര്ക്കാര് തുനിഞ്ഞിറങ്ങരുതെന്നും അദ്ദേഹം പറഞ്ഞു.
