തിരുവനന്തപുരം: ക്ഷേത്രത്തിലെ തിടപ്പള്ളിയില്‍ പാചകവാതകം ചോര്‍ന്ന് പൊള്ളലേറ്റ മേല്‍ശാന്തി മരിച്ചു. കിളിമാനൂര്‍ പുതിയകാവ് ഭഗവതിക്ഷേത്ര മേല്‍ശാന്തി ചിറയിൻകീഴ് അഴൂർ പെരുങ്ങുഴി മുട്ടപ്പലം ഇലങ്കമഠത്തില്‍ ജയകുമാരൻ നമ്പൂതിരി (49) ആണ് മരിച്ചത്.
ക്ഷേത്രത്തില്‍ നിവേദ്യം തയ്യാറാക്കുന്ന സിലിണ്ടറില്‍നിന്നാണ് പാചകവാതകം ചോര്‍ന്നത്. ക്ഷേത്രത്തിലെ തിടപ്പള്ളിയില്‍ നിവേദ്യം ഒരുക്കി പുറത്തിറങ്ങിയ ശേഷം പാചകവാതകം ചോരുന്നതറിയാതെ വിളക്കുമായി അകത്ത് കയറിയപ്പോഴാണ് അപകടം. ഒക്ടോബര്‍ ഒന്നിന് വൈകീട്ട് 6.15-നാണ് അപകടം.
ഭാര്യ: ഉമാദേവി, മക്കള്‍: ആദിത്യ നാരായണൻ നമ്പൂതിരി, ആരാധിക.
