കൊല്ലം: പരവൂര് പൂതക്കുളത്ത് റോഡിലേക്ക് മറിഞ്ഞു വീണ മരത്തില് സ്കൂട്ടറിടിച്ച് യുവാവിന് ദാരുണാന്ത്യം.കരടിമുക്ക് സ്വദേശി സോനു ആണ് മരിച്ചത്. കഴിഞ്ഞ ദിവസം രാത്രി പത്തരയോടെയായിരുന്നു അപകടം.
പരവൂര്-പാരിപ്പള്ളി റോഡില് അമ്മാരത്തുമുക്കില് വച്ച് റോഡിലേക്ക് വീണ മരത്തില് സ്കൂട്ടര് ഇടിക്കുകയായിരുന്നു. സോനുവിന് ഒപ്പമുണ്ടായിരുന്ന കരടിമുക്ക് മാവിള പുത്തന്വീട്ടില് സുജിത്തിനും (27) കൂനയില് ചരുവിളവീട്ടില് രാജേഷിനും (22) പരിക്കേറ്റു.
