കൊച്ചി: നടനും സംവിധായകനുമായ ബാലചന്ദ്രമേനോന്റെ പരാതിയില് ആലുവ സ്വദേശിനി നടിക്കെതിരെ കൊച്ചി സൈബര് പൊലീസ് കേസെടുത്തു. യൂട്യൂബിലൂടെ അപകീര്ത്തിപരമായി സംസാരിച്ചതിനാണ് കേസെടുത്തത്.
ബാലചന്ദ്രമേനോനെതിരെ നേരത്തേ നടി ലൈംഗിക പീഡന പരാതി ഉന്നയിച്ചിരുന്നു. ദേ ഇങ്ങോട്ട് നോക്ക്യേ എന്ന സിനിമാ ചിത്രീകരണത്തിനിടെ ലൈംഗികാതിക്രമം നടത്തിയെന്നായിരുന്നു പരാതി. മുകേഷ് അടക്കം നടന്മാര്ക്കെതിരെ പരാതിപ്പെട്ട നടിയാണ് ബാലചന്ദ്ര മേനോനെതിരെയും പ്രത്യേക അന്വേഷണ സംഘത്തിന് പരാതി നല്കിയത്.
ആരോപണം അടിസ്ഥാന രഹിതമാണെന്നും പരാതിക്കാരിക്കെതിരെ നിയമ നടപടി സ്വീകരിക്കുമെന്നും ബാലചന്ദ്ര മേനോന് പ്രതികരിച്ചിരുന്നു.
2007 ജനുവരിയില് തിരുവനന്തപുരത്തെ ഹോട്ടല് വച്ച് മുറിയില് വച്ച് ലൈംഗികാതിക്രമം നടത്തിയെന്നാണ് നടിയുടെ പരാതി. ഗ്രൂപ്പ് സെക്സിന് നിര്ബന്ധിച്ചു, ഹോട്ടല് മുറിയില് കയറി വന്ന് ലൈംഗിക അതിക്രമം നടത്തി എന്നും പരാതിയിലുണ്ട്.
