തിരുവനന്തപുരം : സി ബി എസ് ഇ ക്‌ളസ്റ്റര്‍ ഇലവന്‍ ഖോ ഖോ ചാമ്പ്യന്‍ഷിപ്പിന് ഈ മാസം നാലിന് തുടക്കമാകുമെന്ന് ദി ഒക്‌സ്‌ഫോര്‍ഡ് സ്‌കൂള്‍ തിരുവനന്തപുരം പ്രിന്‍സിപ്പല്‍ അബുബക്കര്‍ സിദ്ധിക്ക് വാര്‍ത്താ കുറിപ്പില്‍ അറിയിച്ചു.
തിരുവനന്തപുരം ജില്ല ആതിഥേയത്വം വഹിക്കുന്ന മത്സരങ്ങള്‍ മണക്കാട് ദി ഓക്‌സ്‌ഫോര്‍ഡ് സ്‌കൂളിലാണ് സംഘടിപ്പിക്കുന്നത്. ഖോ ഖോ ദേശിയ ഗെയിംസ് ജേതാവ് അരുണ്‍ എസ് എ നാലിന് രാവിലെ 9 മണിക്ക് ചാമ്പ്യന്‍ഷിപ്പിന്റെ ഉദ്ഘാടനം നിര്‍വ്വഹിക്കും.
തിരുവനന്തപുരം ദി ഓക്‌സ്‌ഫോര്‍ഡ് സ്‌കൂള്‍ തന്നെയായിരുന്നു അടുത്തിടെ കഴിഞ്ഞ സി ബി എസ് ഇ ക്ലസ്റ്റര്‍ ഇലവന്‍ ബാഡ്മിന്റണ്‍ ചാമ്പ്യന്‍ ഷിപ്പിനും വേദിയായത്.
തിരുവനന്തപുരം മുതല്‍ എറണാകുളം വരെയുളള ജില്ലകളിലെ 45 സി ബി എസ് ഇ സ്‌കൂളുകളിലെ വിദ്യാര്‍ത്ഥികളാണ് വിവിധ വിഭാ?ഗങ്ങളിലായി മൂന്ന് ദിവസം നീണ്ട് നില്‍ക്കുന്ന മത്സരങ്ങളില്‍ പങ്കെടുക്കുന്നത്. മത്സരങ്ങള്‍ 6 ന് സമാപിക്കും.
