പാലക്കാട്: മകള്ക്കൊപ്പം റോഡ് മുറിച്ച് കടക്കവെ കാറിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. ഞാങ്ങാട്ടിരി സ്വദേശിനി പന്തല്ലൂര് വീട്ടില് ശിവശങ്കരന്റെ ഭാര്യ ശോഭന ആണ് മരിച്ചത്.
തൃശൂര് മെഡിക്കല് കോളേജ് ആശുപത്രിയില് ചികിത്സയിലിരിക്കെ കഴിഞ്ഞ രാത്രിയോടെ ആയിരുന്നു മരണം. തൃത്താല പഞ്ചായത്തിലെ ഞാങ്ങാട്ടിരിയില് റോഡ് മുറിച്ച് കടക്കുന്നതിനിടെ ശോഭനയെയും മകള് ശില്പയേയും കാര് ഇടിച്ച് തെറിപ്പിക്കുകയായിരുന്നു.
ആഗസ്റ്റ് 17 ശനിയാഴ്ച പുലര്ച്ചെ ആറ് മണിയോടെ ആയിരുന്നു അപകടം. മകളെ ബസ് കയറ്റി വിടാന് ഞാങ്ങാട്ടിരിയില് എത്തിയതായിരുന്നു ഇരുവരും. ബസ് സ്റ്റോപ്പിലേക്ക് പോകാന് റോഡ് മുറിച്ച് കടക്കവെ കൂറ്റനാട് ഭാഗത്ത് നിന്നും പട്ടാമ്പി ഭാഗത്തേക്ക് പോവുകയായിരുന്ന കാര് ഇരുവരെയും ഇടിച്ച് തെറിപ്പിക്കുകയായിരുന്നു.
