കോഴിക്കോട്: വൈദ്യുതി കണക്ഷന്‍ നല്‍കാന്‍ 250 രൂപ കൈക്കൂലി വാങ്ങിയ കേസില്‍ കെഎസ്ഇബി ഓവര്‍സിയറെ അഞ്ച് വര്‍ഷം കഠിന തടവിനും 50,000 രൂപ പിഴയും ശിക്ഷിച്ചു. കൊയിലാണ്ടി കെഎസ്ഇബി മേജര്‍ സെക്ഷനിലെ ഓവര്‍സിയറായിരുന്ന കെ രാമചന്ദ്രനെയാണ് കോഴിക്കോട് വിജിലന്‍സ് കോടതി ശിക്ഷിച്ചത്.
2010 ജനുവരി 19നാണ് സംഭവം നടന്നത്. കൊയിലാണ്ടിക്ക് സമീപം ചേലിയിലെ കെട്ടിട ഉടമയാണ് കേസിലെ പരാതിക്കാരന്‍.
പണിപൂര്‍ത്തീകരിച്ച കെട്ടിടത്തില്‍ വൈദ്യുതി കണക്ഷന്‍ നല്‍കാന്‍ ഓവര്‍സീയര്‍ 250 രൂപ കൈക്കൂലി ചോദിച്ചുവാങ്ങി. കോഴിക്കോട് വിജിലന്‍സ് യൂണിറ്റ് ഓവര്‍സിയറെ കൈയോടെ പിടികൂടുകയും ചെയ്തു.
