ശ്രീനഗര്‍: തെരഞ്ഞെടുപ്പ് പ്രചരണ വേദിയില്‍ പ്രസംഗിക്കുന്നതിനിടെ കോണ്‍ഗ്രസ് ദേശീയ അധ്യക്ഷന്‍ മല്ലികാര്‍ജുന്‍ ഖര്‍ഗെയ്‌ക്ക് ദേഹാസ്വാസ്ഥ്യം. ജമ്മു കശ്മീരിലെ കത്വയില്‍ ഇന്നലെ ഉച്ചയോടെയായിരുന്നു സംഭവം.
വേദിയിലുണ്ടായിരുന്ന നേതാക്കള്‍ അദ്ദേഹത്തെ കസേരയില്‍ ഇരുത്തി. പ്രസംഗം ആരംഭിച്ചപ്പോള്‍ത്തന്നെ ഖര്‍ഗെ അവശനായിരുന്നു. നേതാക്കളുടെ സഹായത്തോടെ പ്രസംഗം തുടരാന്‍ ശ്രമിച്ചെങ്കിലും വീണ്ടും ദേഹാസ്വാസ്ഥ്യം പ്രകടിപ്പിച്ചു. ഇതോടെ പ്രസംഗം അവസാനിപ്പിച്ച് മടങ്ങി.
എനിക്ക് 83 വയസായി, പക്ഷേ വേഗം മരിക്കുമെന്ന് കരുതേണ്ട. മോദിയെ അധികാരത്തില്‍ നിന്ന് താഴെ ഇറക്കും വരെ താന്‍ ജീവനോടെ ഉണ്ടാകും എന്നാണ് സമ്മേളനത്തില്‍ വീണ്ടും തിരിച്ചെത്തിയ ഖാര്‍ഗെ പറഞ്ഞത്.
