ഷിരൂര്‍ : ഷിരൂരില്‍ മണ്ണിടിച്ചില്‍ കാണാതായ കോഴിക്കോട് സ്വദേശി അര്‍ജുന്‍ ഉള്‍പ്പടെയുള്ളവര്‍ക്കായി നടത്തുന്ന തെരച്ചില്‍ നാവിക സേന അവസാനിപ്പിച്ചു. ഷിരൂരില്‍ നിന്ന് മടങ്ങുകയാണെന്ന് നാവിക സേന അറിയിച്ചു.
ജില്ലാ ഭരണകൂടം ആവശ്യപ്പെടുന്നതിന് അനുസരിച്ച് തെരച്ചിലിനായി എത്തുമെന്നും നാവിക സേന അധികൃതര്‍ അറിയിച്ചു. നിലവില്‍ നാവികസേനയുടെ കോഓര്‍ഡിനേറ്റുകള്‍ എല്ലാം ഡ്രഡ്ജിംഗ് കമ്പനിക്ക് നല്‍കി.
അതിനിടെ ഗംഗാവലിപ്പുഴയില്‍ നടത്തിയ തെരച്ചിലില്‍ ചൊവ്വാഴ്ചയും അര്‍ജുന്‍ ഓടിച്ചിരുന്ന ലോറിയുടേതെന്ന് കരുതുന്ന ലോഹഭാഗങ്ങള്‍ കണ്ടെത്തി.ടാങ്കറിന്റെ മഡ് ഗാര്‍ഡാണ് കണ്ടെത്തിയത്. ഇന്നലെ ഗംഗാവലി പുഴയില്‍ നടത്തിയ തെരച്ചിലില്‍ ലോറിയുടെ ബമ്പറിന്റെ ഭാഗം കണ്ടെത്തിയിരുന്നു.
