തിരുമല : തിരുപ്പതിയിൽ മൃഗക്കൊഴുപ്പ് ചേർന്ന നെയ്യ് പ്രസാദ നിർമ്മാണത്തിന് ഉപയോഗിച്ചെന്ന സംഭവത്തിൽ അന്വേഷണം പ്രഖ്യാപിച്ചതിന് പിന്നാലെ ചന്ദ്രബാബു സർക്കാരിനെതിരെ ജഗൻ മോഹൻ റെഡ്ഡി .
ടിടിഡിയുടെ സൽപ്പേര് തകർക്കാൻ ചന്ദ്രബാബു ശ്രമിക്കുന്നുവെന്ന് ചൂണ്ടിക്കാട്ടി ജഗൻ പ്രധാനമന്ത്രിക്ക് കത്തയച്ചു.ചന്ദ്രബാബുവിനെ ശക്തമായി ശാസിക്കണമെന്നാണ് ജഗന്റെ ആവശ്യം. എന്നാൽ എന്തെങ്കിലും തെറ്റ് ചെയ്തിട്ട് പകരം പ്രധാനമന്ത്രിയ്ക്ക് കത്തെഴുതിയാൽ മതിയോയെന്ന ചോദ്യവുമായി ചന്ദ്രബാബുവും രംഗത്തെത്തി.
ഇങ്ങനെ കത്തെഴുതാൻ എങ്ങനെ ധൈര്യം വന്നു . തിരുമല ലഡ്ഡു നിർമ്മാണത്തിൽ പശു നെയ്യിൽ മായം ചേർക്കുന്നത് സംബന്ധിച്ച് ഐജി തലത്തിലുള്ള ഉദ്യോഗസ്ഥനെ കൊണ്ട് സിറ്റിങ് നടത്തും . എസ്ഐടി റിപ്പോർട്ടിന് ശേഷം കർശന നടപടിയുണ്ടാകും. ജഗന്റെ ഭരണകാലത്ത് ട്രസ്റ്റ് ബോർഡിൽ അംഗങ്ങളെ ഇഷ്ടാനുസരണം നിയമിക്കുകയും ബോർഡ് അഴിമതി നടത്തുകയും ചെയ്തുവെന്നും ചന്ദ്രബാബു പറഞ്ഞു.
