നീലേശ്വരം: യോഗക്ഷേമസഭ സപ്തപ്രഭ 2024 സംസ്ഥാന വാര്‍ഷിക കൗണ്‍സില്‍ യോഗവും പൊതുസമ്മേളനവും നീലേശ്വരം ശ്രീവത്സം ഓഡിറ്റോറിയത്തില്‍ തുടങ്ങി.
സംസ്ഥാന സമ്മേളനത്തിന് തുടക്കംകുറിച്ച് സംസ്ഥാന പ്രസിഡന്റ് അക്കീരമണ്‍ കാളിദാസ ഭട്ടതിരിപ്പാട് ധ്വജാരോഹണം നടത്തി.
ഈയ്യക്കാട് നാരായണന്‍ നമ്പൂതിരി മാസ്റ്റര്‍ നഗറില്‍ (ഓഡിറ്റോറിയം ഹാള്‍) നടന്ന സംയുക്ത വാര്‍ഷിക കൗണ്‍സില്‍ യോഗം അദ്ദേഹം ഉദ്ഘാടനം ചെയ്തു. സംസ്ഥാന വൈസ് പ്രസിഡന്റ് പി.വി. ശിവദാസ് അധ്യക്ഷനായി.
ദക്ഷിണമേഖല പ്രസിഡന്റ് കെ.പി. വിഷ്ണു നമ്പൂതിരി, മധ്യമേഖല പ്രസിഡന്റ് ടി.എന്‍. മുരളീധരന്‍ നമ്പൂതിരി, സംസ്ഥാന സെക്രട്ടറി കെ.ഡി. ദാമോദരന്‍, ജനറല്‍ സെക്രട്ടറി പി.
എന്‍. കൃഷ്ണന്‍ പോറ്റി, ട്രഷറര്‍ പി.എം. ദാമോദരന്‍ നമ്പൂതിരി, മധ്യമേഖല സെക്രട്ടറി രവി നമ്പൂതിരി, ദക്ഷിണമേഖല സെക്രട്ടറി സതീഷ് പോറ്റി എന്നിവര്‍ പ്രസംഗിച്ചു. ഉത്തരമേഖല പ്രസിഡന്റ് കല്പമംഗലം നാരായണന്‍ നമ്പൂതിരി സ്വാഗതവും ഉത്തരമേഖല സെക്രട്ടറി മനോജ് തരൂപ്പ നന്ദിയും പറഞ്ഞു. സമ്മേളനം ഇന്ന് സമാപിക്കും.
പ്രതികരിക്കാൻ ഇവിടെ എഴുതുക: