കണ്ണൂര്‍ : എം പോക്‌സെന്ന സംശയത്തെ തുടര്‍ന്ന് യുവതി ആശുപത്രിയില്‍ ചികിത്സയില്‍. അബുദാബിയില്‍ നിന്നെത്തിയ 32 കാരിക്കാണ് രോ ലക്ഷണങ്ങളുള്ളത്.
യുവതി പരിയാരം മെഡിക്കല്‍ കോളേജിലാണ് ചികിത്സയിലുളളത്. സാമ്പിള്‍ പരിശോധക്ക് അയച്ചു.ദുബായില്‍ നിന്നെത്തിയ 38 വയസുളള മലപ്പുറം എടവണ്ണ സ്വദേശിക്ക് കഴിഞ്ഞ ദിവസം രോഗം സ്ഥിരീകരിച്ചിരുന്നു.
ഇദ്ദേഹത്തിന് വ്യാപനശേഷികുറഞ്ഞ എം പോക്‌സ് വകഭേദം 2 ബിയാണ് ബാധിച്ചിരിക്കുന്നതെന്ന് പരിശോധനാഫലത്തില്‍ വ്യക്തമായി.
മഞ്ചേരി മെഡിക്കല്‍ കോളജില്‍ ചികിത്സയിലാണ് യുവാവ്. തിരുവനന്തപുരത്തെ ലാബില്‍ ആണ് പരിശോധന നടത്തിയത്.
2 ബി വകഭേദം വായുവിലൂടെ വ്യാപിക്കില്ല.രോഗിയുമായി അടുത്ത സമ്പര്‍ക്കം ഉള്ളവര്‍ക്കാണ് രോഗം പകരാനിടയുള്ളത്.
