കൊച്ചി : നടിയെ ആക്രമിച്ച കേസിലെ ഒന്നാം പ്രതി പള്സര് സുനി വ്യാഴാഴ്ച ജാമ്യത്തിലിറങ്ങും.ഏഴര വര്ഷത്തെ ജയില് വാസത്തിന് ശേഷമാണ് സുനി പുറത്തിറങ്ങുന്നത്. കേസില് പ്രതിഭാഗം സാക്ഷികളുടെ വിസ്താരം ആരംഭിക്കാനിരിക്കെയാണ് ജാമ്യം ലഭിച്ചത്.
ഇത്രയും കാലത്തിനിടയ്ക്ക് 13 തവണയാണ് ജാമ്യത്തിനായി പള്സര് സുനി കോടതിയെ സമീപിച്ചത്.തുടര്ച്ചയായി ജാമ്യാപേക്ഷ നല്കിയതിന് ഹൈക്കോടതി കഴിഞ്ഞ ജൂണില് 25000 രൂപ പിഴയിട്ടിരുന്നു.
ജാമ്യഹര്ജി നല്കി സഹായിക്കാന് സുനിക്ക് പിന്നില് ആരോ ഉണ്ടെന്ന് കോടതി നേരത്തേ പറഞ്ഞിരുന്നു. ഇതിനെതിരെയാണ് പള്സര് സുനി സുപ്രീംകോടതിയെ സമീപിച്ചത്.
ജാമ്യഹര്ജി പരിഗണിക്കവെ വിചാരണ കോടതി നടപടികള്ക്കെതിരെ രൂക്ഷ വിമര്ശനം സുപ്രീം കോടതി നടത്തി.ജാമ്യം നല്കുന്നത് കേസിനെ പ്രതികൂലമായി ബാധിക്കുമെന്ന സര്ക്കാര് വാദം കോടതി അംഗീകരിച്ചില്ല. പള്സര് സുനി ഏഴര വര്ഷമായി ജയിലിലാണെന്നും വിചാരണ ഇനിയും നീണ്ടേക്കാമെന്നും നിരീക്ഷിച്ചാണ് ജാമ്യം നല്കിയത്.
നടിയെ ആക്രമിച്ച കേസില് പ്രോസിക്യൂഷന് സാക്ഷികളുടെ വിസ്താരം മാത്രമാണ് പൂര്ത്തിയായിട്ടുളളത്.
