മലയാള മനസ്സിന്റെ അകത്തളങ്ങളില് മധുരാനുഭൂതിയുടെ നിലാവ് പരത്തുന്ന ഗാനങ്ങള്
ഹൃദയ പ്രൊഡക്ഷന് അവതരിപ്പിക്കുന്ന മ്യൂസിക് വീഡിയോ ആല്ബമാണ് ‘സാരംഗീരവം- 2024. എസിപിയും കവിയുമായ സുനില് ജി.ചെറുകടവ് രചിച്ച വരികള്ക്ക് എച്ച്.എല്. ഹണി സംഗീതം പകരുന്നു. മുതിര്ന്ന സംഗീതജ്ഞന് ബാബു ജോസാണ് ഓര്ക്കസ്ട്രേഷന്.
സിത്താര കൃഷ്ണകുമാറും എച്ച്.എല്.ഹണിയുമാണ് ഗാനങ്ങള് ആലപിച്ചിരിക്കുന്നത്. ശരത്ത് രാജ്, ഡോ.ബി. രജീന്ദ്രന് എന്നിവര് ചേര്ന്ന് സംവിധാനം ചെയ്യുന്ന ഈ മ്യൂസിക് വീഡിയോ ആല്ബത്തില് തിരുവോണത്തിന്റെ എല്ലാ അനുഭൂതിയും സമന്വയിപ്പിക്കും വിധം തെയ്യവും തിറയും കഥകളിയും കളരിപ്പയറ്റും തിരുവാതിരയും മോഹിനിയാട്ടവും ചെണ്ടമേളവും ഓണവില്ലും ഒക്കെചേര്ന്ന കേരളീയ സംസ്കാരത്തിന്റെ എല്ലാത്തരം ബിംബങ്ങളെയും മനോഹരമായിദൃശ്യവത്കരിക്കുന്നു.
ഹൃദയ പ്രൊഡക്ഷന്സിന്റെ ബാനറില് ഡോ.ബി.രാജേന്ദ്രന് നിര്മിക്കുന്ന ആല്ബത്തിന്റെ തിരക്കഥ എഴുതിയത് കിരണ്. പുതുമുഖ താരങ്ങളായ അമൃത എം.എല്, രേവതി ഷിബു, അഭിനയ ബാലഗോപന്, ചന്തു, ഭൂമിക.വി എന്നിവര് അഭിനയിക്കുന്നു. എം.എസ്. നമ്പൂതിരി, രമാവതി എന്നിവരാണ് കേന്ദ്ര കഥാപാത്രങ്ങള്. മാച്ചൂസ് ഇന്റര്നാഷണലാണ് ഛായാഗ്രഹണം.
