കോട്ടയം: ഓടുന്ന കാറിനുള്ളില് വഴക്കിട്ട് റോഡിലേക്ക് ചാടാന് യുവതിയുടെ ശ്രമം. ബഹളം കണ്ട് ബൈക്ക് യാത്രക്കാര് കാര് തടഞ്ഞതിനെ തുടര്ന്നു കാറിലുണ്ടായിരുന്ന യുവാവും യുവതിയും നാട്ടുകാരും തമ്മില് വാക്കേറ്റം. കടുത്തുരുത്തിയിലാണ് സംഭവം.
എറണാകുളം സ്വദേശി യുവാവും കണ്ണൂര് സ്വദേശിനി യുവതിയുമാണു കാറിലുണ്ടായിരുന്നത്. ഇരുവരും വാഗമണ്ണില് നിന്നു മടങ്ങുകയായിരുന്നു.
സ്വര്ണം പണയം വച്ച 13,000 രൂപയുമായാണ് യുവതി എത്തിയത്. ഈ പണം യുവാവിനോടു തിരികെ ആവശ്യപ്പെട്ടതാണു വഴക്കിനു കാരണം. ഓടുന്ന കാറില് വച്ച് യുവാവ് ഉപദ്രവിച്ചെന്നും തുടര്ന്നാണ് പുറത്തേക്കു ചാടാന് ശ്രമിച്ചതെന്നും യുവതി പറഞ്ഞു.
ഇരുവരെയും നാട്ടുകാര് പൊലീസ് സ്റ്റേഷനില് എത്തിച്ചു. പൊലീസ് ഇടപെട്ടതോടെ യുവാവ് കുറച്ചു പണം യുവതിക്ക് തിരികെ നല്കി. പിന്നീട് പൊലീസ് ഇവരെ മടക്കിയയച്ചു.
