നികുതി അടച്ച സെലിബ്രിറ്റികളില്‍ മുന്നില്‍ കിംഗ് ഖാന്‍, രണ്ടാമത് വിജയ്, മോഹന്‍ ലാലും പട്ടികയില്‍

ഇന്ത്യയില്‍ ഏറ്റവും അധികം നികുതി അടയ്‌ക്കുന്ന സെലിബ്രിറ്റി കിം ഖാന്‍. ഫോര്‍ച്യൂണ്‍ ഇന്ത്യയുടെ പട്ടികയിലാണ് ഈ വിവരമുളളത്.

കഴിഞ്ഞ തവണ 92 കോടി രൂപയാണ് ഷാരൂഖ് ഖാന്‍ നികുതിയായി അടച്ചത്. രണ്ടാം സ്ഥാനത്തുള്ളത് തമിഴ് സൂപ്പര്‍താരം ദളപതി വിജയ് . കഴിഞ്ഞ തവണ നികുതിയായി അടച്ചത് 80 കോടി രൂപ.

മൂന്നാം സ്ഥാനത്ത് സല്‍മാന്‍ ഖാനാണ്. 75 കോടിയാണ് താരം നികുതി അടച്ചത്.നാലാം സ്ഥാനത്തുള്ള അമിതാബ് ബച്ചന്‍ 71 കോടിയാണ് നികുതി അടച്ചത്.അജയ് ദേവ്ഗണ്‍ 42 കോടി അടച്ചപ്പോള്‍ രണ്‍ബൂര്‍ കപൂര്‍ 36 കോടി രൂപ നികുതി ഇനത്തില്‍ അടച്ചു.കരീന കപൂര്‍ 20 കോടി അടച്ചിട്ടുണ്ട്.കത്രീന കൈഫ് 11 കോടിയും അമീര്‍ ഖാന്‍ 10 കോടിയും നികുതി അടച്ചു.പട്ടികയില്‍ മലയാളികളുടെ സൂപ്പര്‍താരം മോഹന്‍ലാലും ഇടംപിടിച്ചിട്ടുണ്ട്. 14 കോടിയാണ് താരം നികുതിയടച്ചത്. അല്ലു അര്‍ജുനും 14 കോടി അടച്ചു.

ബോളിവുഡിനെ കൂടാതെ കായിക താരങ്ങളും പട്ടികയില്‍ ഇടം പിടിച്ചിട്ടുണ്ട്.എം എസ് ധോണി 38 കോടി, സച്ചിന്‍ തെണ്ടുല്‍ക്കര്‍ 28 കോടി എന്നിങ്ങനെയാണ് നികുതിയടച്ചത്. ഹര്‍ദ്ദിഖ് പാണ്ഡ്യ 13 കോടി അടച്ചു.