തിരുവനന്തപുരം: സൈഡ് നല്കിയില്ലെന്ന് ആരോപിച്ച് കെഎസ്ആര്ടിസി ഡ്രൈവര്ക്ക് യുവാവിന്റെ ക്രൂര മര്ദ്ദനം. തിരുവനന്തപുരം ആര്യനാട് ഡിപ്പോയിലെ ഡ്രൈവര് മന്സൂറിനാണ് മര്ദ്ദനമേറ്റത്.
പിക്കപ്പ് വാന് ഡ്രൈവര് നൗഫല് ആണ് ബസ് തടഞ്ഞു നിര്ത്തി കെഎസ്ആര്ടിസി ജീവനക്കാരനെ ക്രൂരമായി മര്ദ്ദിച്ചത്. സാരമായി പരിക്കേറ്റ കെഎസ്ആര്ടിസി ഡ്രൈവറെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. സംഭവത്തില് ആര്യനാട് കെഎസ്ആര്ടിസി അധികൃതര് പൊലീസില് പരാതി നല്കി.
യാതൊരു പ്രകോപനവും കൂടാതെ പിക്കപ്പ് വാന് ഡ്രൈവര് മര്ദിക്കുകയും അസഭ്യം പറയുകയും ചെയ്യുകയായിരുന്നുവെന്ന് കെഎസ്ആര്ടിസി ഡ്രൈവര് പറഞ്ഞു. രണ്ടു പേരാണ് പിക്കപ്പ് വാഹനത്തില് ഉണ്ടായിരുന്നത്.
