ആലുവ: പുരസ്കാരങ്ങളും ആദരവുകളും ഉത്തരവാദിത്വമേറ്റുമെന്ന് കേരളാ സംഗീത നാടക അക്കാദമി അധ്യക്ഷന് മട്ടന്നൂര് ശങ്കരന്കുട്ടി മാരാര് പറഞ്ഞു. ആലുവയില് അഖില കേരള മാരാര് ക്ഷേമ സഭയുടെ വാദിത്ര രത്നം പുരസ്കാരം ഏറ്റുവാങ്ങി സംസാരിക്കുകയായിരുന്നു മട്ടന്നൂര്. സാമൂഹ്യമായ ഉത്ത രവാദിത്വങ്ങളും സമുദായത്തോടുള്ള ഉത്തരവാദിത്വങ്ങളും തിരിച്ചറിഞ്ഞ് അത് പരമാവധി നടപ്പാക്കുമെന്നും അദ്ദേഹം പറഞ്ഞു.
മുനിസിപ്പല് ടൗണ് ഹാളില് ചോറ്റാനിക്കര നാരായണ മാരാര് നഗറില് നടന്ന ചടങ്ങില് മാരാര് ക്ഷേമ സഭ സംസ്ഥാനാധ്യക്ഷന് എന്.ഇ. ഭാസ്കര മാരാര് മട്ടന്നൂരിന് പുരസ്കാരം സമ്മാനിച്ചു. സംസ്ഥാന ജനറല് സെക്രട്ടറി ആര്. വേലായുധ മാരാര് വൈസ് പ്രസിഡന്റുമാരായ പെരുവനം സതീശന് മാരാര്, ടി.വി.നാരായണ മാരാര്, സെക്രട്ടറി ബി. രാധാകൃഷണപ്പണിക്കര്, ജില്ലാ പ്രസിഡന്റെ സി. ജയകൃഷ്ണ മാരാര് സെക്രട്ടറി ജീവന് എസ്. മാരാര് തുടങ്ങിയവര് പങ്കെടുത്തു.
