കൊച്ചി: ബിഎസ്എന്‍എലിന്റെ 25ാമത് സ്ഥാപക ദിനാചരണത്തോടനുബന്ധിച്ചു എറണാകുളം ബിസിനസ് ഏരിയ സംഘടിപ്പിക്കുന്ന മാരത്തണ്‍ ഒക്ടോ. 20 ന് നടക്കും.
എറണാകുളം ദര്‍ബാര്‍ ഹാള്‍ ഗ്രൗണ്ടില്‍ നിന്ന് രാവിലെ 5.30ന് ആരംഭിക്കുന്ന മാരത്തണില്‍ 5 കിലോമീറ്റര്‍, 10 കിലോമീറ്റര്‍ ദൂരങ്ങളില്‍ 50 വയസിനു താഴെയും മുകളിലും രണ്ടു വിഭാഗങ്ങളില്‍ ആദ്യത്തെ മൂന്നു സ്ഥാനക്കാര്‍ക്ക് സമ്മാനങ്ങള്‍ ലഭിക്കും. 5 കിലോമീറ്റര്‍ മത്സരത്തില്‍ 5000, 2500, 1500 രൂപ വീതവും 10 കിലോമീറ്റര്‍ മത്സരത്തില്‍ 7500, 5000, 2500 രൂപ വീതവുമാണ് സമ്മാനാര്‍ഹര്‍ക്ക് ലഭിക്കുക. രജിസ്‌ട്രേഷന്‍ നാളെ മുതല്‍ ആരംഭിക്കും.
