ഹൈദരാബാദ് : നഗരത്തിലെ ഭൂലക്ഷ്മീ ക്ഷേത്രത്തിന് നേരെ ആക്രമണം . ഹൈദരാബാദിലെ സന്തോഷ് നഗർ രക്ഷപുരം പ്രദേശത്ത് സ്ഥിതി ചെയ്യുന്ന ഭൂലക്ഷ്മി ക്ഷേത്രത്തിലെ ദേവീ വിഗ്രഹമാണ് അക്രമികൾ തകർത്തത് . സംഭവവുമായി ബന്ധപ്പെറ്റ് രണ്ട് പേരെ പോലീസ് അറസ്റ്റ് ചെയ്തു.
തിങ്കളാഴ്ച രാത്രി 11.30 നും 12 നും ഇടയിലാണ് സംഭവം നടന്നതെന്ന് സൗത്ത് ഈസ്റ്റ് ഡിസിപി കാന്തി ലാൽ പാട്ടീൽ പറഞ്ഞു. സിസിടിവി ദൃശ്യങ്ങൾ പരിശോധിച്ച ശേഷമാണ് പൊലീസ് രണ്ടുപേരെ കസ്റ്റഡിയിലെടുത്തത് . ഭൂലക്ഷ്മി ദേവിയുടെ വിഗ്രഹം തകർക്കുന്നത് ഇതാദ്യമല്ലെന്ന് ബിജെപി ഭാഗ്യ നഗർ ജില്ലാ പ്രസിഡൻ്റ് സംറെഡ്ഡി സുരേന്ദർ റെഡ്ഡി പറഞ്ഞു. ‘ കഴിഞ്ഞ 5 വർഷമായി ഇത് നടക്കുന്നു . ഇത്തവണ ദേവീ വിഗ്രഹമാണ് തകർത്തത്. രണ്ട് വർഷം മുമ്പ് വിനായക മണ്ഡപത്തിലും ഇതുതന്നെയായിരുന്നു സംഭവം. ‘ അദ്ദേഹം പറഞ്ഞു.
സംഭവത്തിന് പിന്നിൽ പ്രദേശത്തെ ബിസിനസ് മാഫിയ ആണെന്നും ആരോപണമുണ്ട്. കടുത്ത പ്രതിഷേധമാണ് വിഗ്രഹം തകർത്തതുമായി ബന്ധപ്പെട്ട് പ്രദേശവാസികളിൽ നിന്ന് ഉയരുന്നത് .
