തിരുവനന്തപുരം: ഒരു മാപ്പു പറഞ്ഞതു കൊണ്ട് തന്നെ കുറ്റവാളി ആക്കാം എന്ന് വിചാരിക്കേണ്ടന്ന് നടന് അലന്സിയര്. ദിവ്യ ഗോപിനാഥന്റെ ആരോപണങ്ങളോട് പ്രതികരിക്കുകയായിരുന്നു അദ്ദേഹം.
അന്ന് അങ്ങനെ സംഭവിച്ചു എന്റെ സമീപനം വിഷമമുണ്ടാക്കിയെന്ന് മനസ്സിലാക്കിയപ്പോള് ക്ഷമ പറഞ്ഞ് അവസാനിപ്പിച്ച വിഷയമാണ്. ഇനിയും പരാതിയുമായി പോവുകയാണെങ്കില് എന്നെ കോടതി ശിക്ഷിക്കട്ടെ. ഞാന് ആരുടെയും അവസരം കളയാന് ശ്രമിച്ചിട്ടില്ല. ഞാന് ഒരു പവര് ഗ്രൂപ്പിന്റെയും ആളുമല്ല. എനിക്കു തന്നെ പടമില്ല. പിന്നെയല്ലേ മറ്റുള്ളവ്രുടെ അവസരം കളയുന്നത്. എനിക്കതിനുള്ള ശേഷിയില്ല.
എനിക്ക് കുടുംബമുണ്ട്. ഈ വിഷയത്തില് ഒട്ടേറെ മാധ്യമ വിചാരണ നേരിട്ടു. ഇത് ഇനിയും ചര്ച്ചയ്ക്ക് വയ്ക്കരുത്. അലന്സിയര് പറയുന്നു. ആഭാസം എന്ന സിനിമയുടെ സെറ്റില് അലന്സിയര് മോശമായി പെരുമാറി എന്നായിരുന്നു ദിവ്യ ഗോപിനാഥന്റെ പരാതി.
