ലക്നൗ : വനിതാ പൊലീസ് കോൺസ്റ്റബിളിനെ ബൈക്ക് ഇടിച്ച് കൊലപ്പെടുത്താൻ ശ്രമിച്ച കേസിൽ ബിഎസ്പി നേതാവ് ഹാജി യാക്കൂബിന്റെ ചെറുമകൻ അബ്ദുൾ സമദ് അറസ്റ്റിൽ . അബ്ദുൾ സമദിനൊപ്പം മറ്റൊരു പ്രായപൂർത്തിയാകാത്തയാളും പിടിയിലായി . രണ്ട് ദിവസം മുൻപ് മീററ്റിലായിരുന്നു സംഭവം.
ഞായറാഴ്ച രാത്രി മറ്റ് ചില പോലീസുകാരോടൊപ്പം പട്രോളിംഗ് നടത്തുകയും വാഹനങ്ങൾ പരിശോധിക്കുകയുമായിരുന്നു വനിതാ കോൺസ്റ്റബിൾ ജോഹ്റ പർവീൻ . ഇതിനിടെ രാത്രി 11 ഓടെ ഹാപൂർ വിമാനത്താവളത്തിൽ നിന്ന് കറുത്ത ബിഎംഡബ്ല്യു ബൈക്ക് അതിവേഗത്തിൽ വരുന്നത് കണ്ട കോൺസ്റ്റബിൾ ബൈക്ക് നിർത്താൻ നിർദേശിച്ചു . അബ്ദുൾ സമാദാണ് ബൈക്ക് ഓടിച്ചിരുന്നത് . വാഹനം നിർത്തുന്നതിന് പകം ജോഹ്റ പർവീനെ കൊല്ലുക എന്ന ഉദ്ദേശത്തോടെ അവരുടെ മുകളിലൂടെ ബൈക്ക് ഓടിച്ചെന്നാണ് പരാതി.
ഇടിയുടെ ആഘാതത്തിൽ നിലത്തുവീണ ജോഹ്റയ്‌ക്ക് ശരീരമാസകലം പരിക്കുകളുണ്ട് . മറ്റുള്ള പോലീസുകാർ ഓടിയെത്തിയാണ് ജോഹ്റയെ രക്ഷിച്ചത് . തുടർന്ന് രക്ഷപ്പെടാൻ ശ്രമിച്ച യുവാക്കളെ മറ്റൊരു കോൺസ്റ്റബിൾ ദേവപാൽ പിടികൂടി. ചോദ്യം ചെയ്യലിൽ കസ്റ്റഡിയിലെടുത്ത പ്രതികളിലൊരാൾ അബ്ദുൾ സമദാണെന്ന് വ്യക്തമായി.നിലവിൽ ജോഹ്റ പർവീൻ അപകടനില തരണം ചെയ്തതായി ആശുപത്രി വൃത്തങ്ങൾ അറിയിച്ചു.
