തൃശൂർ: പോത്ത് കുട്ടികളുടെ ചെവിയില് കമ്പി ഇട്ടു കുത്തിയും ദേഹത്ത് പൊള്ളിച്ചും ക്രൂരത. ഒരാഴ്ചയ്ക്കിടെ ആക്രമിക്കപ്പെട്ടത് 6 കിടാരികള്. വെളുത്തൂര്
തച്ചംപിള്ളിയില് സ്വകാര്യ വ്യക്തിയുടെ പറമ്പില് കെട്ടിയിട്ടിരുന്ന നാല് പോത്ത് കുട്ടികള്ക്ക് നേരെയാണ് അക്രമം നടന്നതായി ചൊവ്വാഴ്ച കണ്ടെത്തിയത്.
കുന്നത്തങ്ങാടി സേവന റോഡില് ചിറമ്മല് ഷാജന്റേതാണ് ആക്രമിക്കപ്പെട്ട നാല് പോത്ത് കുട്ടികള്. തിങ്കളാഴ്ച രാത്രിയാണ് അക്രമം നടന്നതെന്ന് കരുതുന്നു. രാവിലെ തീറ്റ കൊടുക്കാന് എത്തിയപ്പോഴാണ് സംഭവം കണ്ടതെന്ന് ഷാജന് പറഞ്ഞു. കഴിഞ്ഞയാഴ്ചയാണ് തച്ചംപിള്ളി സ്വദേശി റെനീഷിന്റെ രണ്ട് പോത്തു കുട്ടികളെ പൊള്ളിച്ച നിലയില് കണ്ടത്.
തച്ചംപിള്ളി കുളത്തിനടുത്ത് ഇവയെ കെട്ടിയിട്ടുണ്ടായിരുന്നു. അന്തിക്കാട് പോലീസില് പരാതി നല്കി.
