പയ്യന്നൂര്‍: കുഞ്ഞിമംഗലത്ത് 14 പേര്‍ക്ക് കുറുക്കന്റെ കടിയേറ്റു. പരിക്കേറ്റ വയോധികര്‍ ഉള്‍പ്പെടെയുളളവരെ പയ്യന്നൂര്‍ താലൂക്ക് ആശുപത്രിയിലെ പ്രാഥമിക ശുശ്രൂഷകള്‍ക്കു ശേഷം പരിയാരത്തെ ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു
രാവിലെ ആറരയോടെയാണ് കുറുക്കന്‍ ഇവരെ ആക്രമിച്ചത്. വീടിന് പുറത്തിറങ്ങിയവര്‍ക്കും പ്രഭാത സവാരിക്കായി പോയവര്‍ക്കുമാണ് കടിയേറ്റത്.കുഞ്ഞിമംഗലം മൂശാരിക്കൊവ്വല്‍, കുതിരുമ്മല്‍, മാട്ടുമ്മല്‍ കളരി, വണ്ണച്ചാല്‍ തുടങ്ങിയ പ്രദേശങ്ങളില്‍ കണ്ണില്‍ കണ്ടവരെയെല്ലാം കുറക്കന്‍ കടിച്ചു.
അതേസമയം നാട്ടില്‍ ഭീതിവിതച്ച് കുറുക്കനെ പിടികൂടാനുള്ള നാട്ടുകാരുടെ ശ്രമം വിജയിച്ചില്ല.പ്രദേശത്ത് വനംവകുപ്പ് അധികൃതരും പരിശോധന നടത്തി.
