പത്തനംതിട്ട: ജസ്ന മരിയ ജെയിംസിനെ ലോഡ്ജില് വച്ച് കണ്ടിരുന്നു എന്ന മുന് ജീവനക്കാരിയുടെ വെളിപ്പെടുത്തല് ഇവരെ ലോഡ്ജിലെ ജോലിയില് നിന്നും പിരിച്ചുവിട്ടതിലുള്ള വൈരാഗ്യത്തില് കെട്ടിച്ചമച്ചതെന്ന് ലോഡ്ജുടമ . ജോലിയില് പറഞ്ഞുവിട്ടതിനെ തുടര്ന്ന് തനിക്കെതിരെ വ്യാജ പരാതികള് നിരന്തരം ഉന്നയിച്ചിരുന്നു. ഏറ്റവുമൊടുവില് ജാതിപേര് വിളിച്ച് അപമാനിച്ചുവെന്ന് ആരോപിക്കുകയും കേസ് ഒതുക്കി തീര്ക്കാന് പണം ആവശ്യപ്പെടുകയും ചെയ്തു. മുന്പ് തന്നെ പോലീസ് സംഘത്തോട് ഇതുസംബന്ധിച്ച് കൃത്യമായി കാര്യങ്ങള് പറഞ്ഞിരുന്നതാണ് . വര്ഷങ്ങള്ക്ക് ശേഷം ഇത്തരം ആരോപണം ഉന്നയിക്കുന്നതിന് പിന്നില് തന്നോടുള്ള വൈരാഗ്യം മാത്രമാണെന്ന് ലോഡ്ജ് ഉടമ പറഞ്ഞു. വാര്ത്താ ചാനലുകള് ഇവരുടെ കെണിയില് വീഴുകയായി്രുന്നുവെന്നാണ് വിവരം. മുന് ലോഡ്ജ് ജീവനക്കാരിയുടെ വെളിപ്പെടുത്തല് ജസ്നയുടെ പിതാവും തള്ളിയിരുന്നു.
