കൊച്ചി: നഗരത്തിലെ മരട് സ്റ്റാച്യൂ ജംഗ്ഷനിലെ രണ്ട് ഹോട്ടലുകളില് നടത്തിയ പരിശോധനയില് ആറു പേരെ കസ്റ്റഡിയിലെടുത്തെന്ന് മരട് പൊലീസ്.നഗരത്തില് ഗുണ്ടകളുടെ മീറ്റ് അപ്പ് പാര്ട്ടി നടക്കുന്നെന്ന രഹസ്യ വിവരത്തെ തുടര്ന്നായിരുന്നു പരിശോധന.
ഒരു സിനിമാ കമ്പനിയുടെ ലോഞ്ചിംഗ് പാര്ട്ടിയാണ് നടന്നതെന്നാണ് സംഘാടകര് നല്കിയ മൊഴി.തിരുവനന്തപുരം കളിയിക്കാവിള ഭാഗത്ത് നിന്നുള്ളവരാണ് പരിപാടിയില് പങ്കെടുത്തത്.
പിടിയിലായവരില് മൂന്ന് പേര്ക്ക് ക്രിമിനല് പശ്ചാത്തലമുണ്ട്.ഇവരുടേത് കരുതല് തടങ്കലാണെന്ന് പൊലീസ് അറിയിച്ചു. മുഖ്യ സംഘാടകനായ കളിയിക്കാവിള സ്വദേശി ആഷ്ലി പൊലീസ് എത്തിയതറിഞ്ഞ് കടന്നുകളഞ്ഞു. ഇയാളെ കണ്ടെത്താനുളള ശ്രമം നടക്കുന്നു.
റെയ്ഡുമായി ബന്ധപ്പെട്ട വിശദാംശങ്ങള് കസ്റ്റഡിയിലുള്ളവരെ വിശദമായി ചോദ്യംചെയ്തിന് ശേഷമേ പുറത്തുവിടാന് കഴിയൂവെന്നാണ് പൊലീസ് പറയുന്നത്. അതിനിടെ ഒരു ഹോട്ടലില് പാര്ക്ക് ചെയ്തിരുന്ന കാറില് നിന്ന് ഒരു തോക്കും പെപ്പര് സ്പ്രേയും കത്തിയും പൊലീസ് കണ്ടെടുത്തു.
