ആലുവ : നിരന്തര കുറ്റവാളികളായ അച്ഛനും, മകനും എതിരെ കാപ്പ നടപടി. ഞാറയ്ക്കൽ പെരുമ്പിള്ളി കാരോളിൽ വിനോദ് (52) ,മകൻ വിജിത്ത് (25) എന്നിവർക്കെതിരെയാണ് കാപ്പ നടപടി സ്വീകരിച്ചത്.
വിനോദിനെ ആറ് മാസത്തേക്ക് ജില്ലയിൽ നിന്നും നാട് കടത്തി. വിജിത്തിന് ഒരുവർഷത്തേക്ക് എല്ലാ ഞായറാഴ്ചയിലും മുനമ്പം ഡി.വൈ.എസ്. പി മുൻപാകെ ഹാജരായി ഒപ്പിടുന്ന നടപടിയാണ് എടുത്തിട്ടുള്ളത്. ജില്ലാ പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി ഐ ജി പുട്ട വിമലാദിത്യയാണ് ഉത്തരവിട്ടത്.
ഞാറയ്ക്കൽ പോലീസ് സ്റ്റേഷൻ പരിധിയിൽ വധശ്രമം, ദേഹോപദ്രവം, അതിക്രമിച്ച് കടക്കൽ, ഭീഷണിപ്പെടുത്തലൽ തുടങ്ങി നിരവധി കേസുകളിൽ പ്രതിയായിരുന്ന ഇവർ കഴിഞ്ഞ മാർച്ചിൽ ഞാറയ്ക്കൽ പോലീസ് രജിസ്റ്റർ ചെയ്ത അടിപിടി കേസിൽ പ്രതിയായതിനെ തുടർന്നാണ് നടപടിയെടുത്തത്.
