ആലുവ : കോടതിയിൽ വിചാരണക്ക് ഹാജരാകാതെ ഒളിച്ചു നടന്ന പ്രതി പിടിയിൽ. കരുമാലൂർ മറിയപ്പടി വലിയ പറമ്പിൽ സാജൻ (ആനക്കാരൻ’ സാജൻ 39) നെയാണ് ആലുവ പോലീസ്’ പിടികൂടിയത്.
2021ൽ കാസിനോ തീയറ്ററിന് സമീപമുള്ള കടയ്ക്ക് മുമ്പിൽ നിൽക്കുകയായിരുന്ന ആളുടെ പോക്കറ്റിൽ നിന്നും പണം കവരുകയായിരുന്നു. തുടർന്ന് അറസ്റ്റ് ചെയ്ത് കോടതിയിൽ ഹാജരാക്കി റിമാൻ്റ് ചെയ്തു. പിന്നീട് ജാമ്യത്തിൽ പുറത്തിറങ്ങി.
കോടതിയിൽ കേസിന്റെ വിചാരണ ആരംഭിച്ചപ്പോൾ ഹാജരാകാതെ ഒളിച്ചു നടക്കുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
ഇൻസ്പെക്ടർ എം.എം മഞ്ജു ദാസ് , എ.എസ്.ഐ കെ.ബി സജീവ്, സീനിയർ സി പി ഒ മാരായ പി. എ നൗഫൽ, മുഹമ്മദ് സലിം ,പി.എ മുനീർ എന്നിവരാണ് അന്വേഷണ സംഘത്തിലുണ്ടായിരുന്നത്.
