വയനാട് : ചാലിയാര്‍ പുഴയില്‍ തെരച്ചില്‍ നടത്താന്‍ പോയ 18 രക്ഷാപ്രവര്‍ത്തകര്‍ വനത്തില്‍ കുടുങ്ങി. സൂചിപ്പാറയുടെ സമീപമുളള കാന്തപ്പാറയിലാണ് ഇവര്‍ കുടുങ്ങിയത്.
ഇവിടെ നിന്ന് കണ്ടെത്തിയ മൃതദേഹവും കൊണ്ടുവരാനാകുന്നില്ല. ചാലിയാര്‍ പുഴ വനത്തിലൂടെ ഒഴുകുന്ന പ്രദേശങ്ങളില്‍ തെരച്ചില്‍ നടത്തുന്നതിന്റെ ഭാഗമായാണ് രക്ഷാപ്രവര്‍ത്തകര്‍ ഇന്ന് രാവിലെ തെരച്ചിലിനായി പോയത്.
ഉരുള്‍പ്പൊട്ടി ചാലിയാറിലൂടെ ഒഴുകിയെത്തിയ കല്ലുകള്‍ക്കും മരങ്ങള്‍ക്കും ഇടയിലാണ് മൃതദേഹങ്ങളും ശരീരഭാഗങ്ങളും കിടക്കുന്നത്.
അതേസമയം, സൂചിപ്പാറ വെള്ളച്ചാട്ടത്തിന് താഴെ നിന്ന് ഒരു മൃതദേഹം കൂടി കണ്ടെത്തി. വനം വകുപ്പ് ഉദ്യോഗസ്ഥരും കെ എസ് ഇ ബി ജീവനക്കാരും നാട്ടുകാരും ചേര്‍ന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.
