കോഴിക്കോട് : വാക്കുതര്ക്കത്തിനിടെ യുവാവിനെ കാറിടിച്ച് തെറിപ്പിക്കാന് ശ്രമം. ബോണറ്റില് പിടിച്ചിരുന്നതിനാലാണ് യുവാവ് രക്ഷപെട്ടത്.മുക്കത്ത് തിരക്കുളള റോഡിലാണ് സംഭവം. സാരമായി പരിക്കേറ്റ യുവാവ് ചികിത്സയിലാണ്.
ബൈക്ക് യാത്രികനായ കാരശ്ശേരി സ്വദേശി ഇബ്നു ഫിന്ഷാദിനെയാണ് കാറിടിച്ച് തെറിപ്പിക്കാന് ശ്രമിച്ചത്. യുവാവുമായി കാര് അല്പദൂരം മുന്നോട്ട് പോയി.
നിര്ത്താതെ പോയ കാര് മുക്കം പൊലീസ് കസ്റ്റഡിയിലെടുത്തു.ബൈക്ക് യാത്രികനായ യുവാവ് ആശുപത്രിയില് ചികിത്സയിലാണ്. യൂടേണ് എടുക്കുന്നതിനിടെ കാറും ബൈക്കും തമ്മില് ഇടിച്ചതിന്റെ പേരിലുള്ള തര്ക്കത്തിനിടെയാണ് യുവാവിനെ കാറിടിച്ച് തെറിപ്പിക്കാന് ശ്രമിച്ചത്.
കാറിലുണ്ടായിരുന്ന രണ്ട് പേര് തന്നെ മര്ദിച്ചതായി ബൈക്ക് യാത്രികന് പറയുന്നു. ഈങ്ങപ്പുഴ സ്വദേശി ഷാമിലായിരുന്നു കാര് ഓടിച്ചിരുന്നത്. ഷാമിലിനെ പൊലീസ് കസ്റ്റഡിയിലെടുത്തു.
