കല്പ്പറ്റ: വയനാട് മുണ്ടക്കൈ ഉരുള്പൊട്ടലില് കുത്തിയൊലിച്ച മലവെള്ളപ്പാച്ചിലിനിടയിൽ ചെളിയില് പുതഞ്ഞു കിടക്കുന്ന ആളെ രക്ഷിച്ചു . മുണ്ടക്കൈ മേഖല ഒറ്റപ്പെട്ടുപോയതിനാല് ഇവിടേക്ക് രക്ഷാപ്രവര്ത്തകര്ക്ക് എത്താനായിരുന്നില്ല. ഒരു ഭാഗത്ത് മലവെള്ളപ്പാച്ചില് ശക്തമായി തുടരുന്നതും രക്ഷാപ്രവര്ത്തനത്തിന് തിരിച്ചടിയാകുകയാണ്.
ശരീരത്തിന്റെ പകുതിയോളം ചെളിയില് പുതഞ്ഞു കിടക്കുന്ന നിലയിലായിരുന്നു ആൾ കുടുങ്ങികിടന്നത്. രക്ഷപ്പെടുത്താൻ വിളിച്ചുപറയുന്നുണ്ടെങ്കിലും അടുത്തേക്ക് ആര്ക്കും എത്താനായിരുന്നില്ല, ഒടുവിൽ ആളെ രക്ഷാസംഘം രക്ഷിച്ചു.
കഴിഞ്ഞ ആറു മണിക്കൂറുകളായി ശരീരത്തിന്റെ പകുതിയോളം ചെളിയില് പുതഞ്ഞു കിടക്കുന്ന നിലയിലാണ് ഇദ്ദേഹം ഉണ്ടായിരുന്നത്. ഇദ്ദേഹത്തിന് സമീപത്തായുള്ള പാറയിൽ രണ്ട് കുട്ടികൾ കൂടെ കുടുങ്ങി കിടക്കുന്നുണ്ട്. ഇവർക്കായുള്ള രക്ഷാപ്രവർത്തനം പുരോഗമിക്കുകയാണ്. സ്ഥലത്തേക്ക് എന്ഡിആര്എഫ് സംഘവും രക്ഷാപ്രവര്ത്തകരും പുറപ്പെട്ടിട്ടുണ്ട്.
