കോഴിക്കോട്: ജനസേവന കേന്ദ്രത്തിലെ എയര്‍ കണ്ടീഷണറുകളില്‍ നിന്ന് ചെമ്പ് പൈപ്പ് മോഷ്ടിച്ച മൂന്ന് പേരെ പൊലീസ് പിടികൂടി. കുറ്റിക്കാട്ടൂര്‍ സ്വദേശി ശിവ(23), പുതിയങ്ങാടി സ്വദേശി സഫാദ്(23), മാവൂര്‍ സ്വദേശി കൃഷ്ണകുമാര്‍ എന്നിവരെയാണ് കസബ പൊലീസും സിറ്റി ക്രൈം സ്‌ക്വാഡും ചേര്‍ന്ന് പിടികൂടിയത്.ഇഎംഎസ് സ്റ്റേഡിയത്തില്‍ പ്രവര്‍ത്തിക്കുന്ന ജനസേവന കേന്ദ്രത്തിലാണ് മോഷണം നടന്നത്.
കഴിഞ്ഞ മാസം അഞ്ചാം തീയതിയായിരുന്നു മോഷണം.. സ്ഥാപനത്തിലെ എട്ട് എ സികളിലെ കമ്പികളാണ് മോഷ്ടിച്ചത്.
സിസിടിവിയില്‍ മോഷ്ടാക്കളുടെ ദൃശ്യങ്ങള്‍ പതിഞ്ഞിരുന്നു. ഇവരെ തിരിച്ചറിഞ്ഞ അന്വേഷണ സംഘം വിവിധയിടങ്ങളില്‍ നിന്നാണ് പിടികൂടിയത്.
മോഷ്ടിച്ച വസ്തുക്കള്‍ നഗരത്തിലെ ആക്രിക്കടയില്‍ നിന്നും കണ്ടെടുത്തു.
പ്രതികരിക്കാൻ ഇവിടെ എഴുതുക: