വയനാട് : മാനന്തവാടി ദ്വാരക എ യു പി സ്കൂളില് 40 കുട്ടികള്ക്ക് ഭക്ഷ്യവിഷബാധയേറ്റെന്ന് സംശയം.സ്കൂളില് നിന്ന് ഉച്ചഭക്ഷണം കഴിച്ച കുട്ടികള്ക്കാണ് അസ്വസ്ഥത അനുഭവപ്പെട്ടത് . ഇന്നലെ ഉച്ചയ്ക്ക് ഭക്ഷണം കഴിച്ച കുട്ടികള്ക്കാണ് ഛര്ദ്ദിയും വയറിളക്കവും പിടിപെട്ടത്.
ചോറും സാമ്പാറും മുട്ടയും ആയിരുന്നു ഉച്ചഭക്ഷണമായി നല്കിയത്. സ്കൂളിലെ ആയിരത്തോളം കുട്ടികള് ഇന്നലെ ഉച്ച ഭക്ഷണം കഴിച്ചിരുന്നു. ശാരീരിക അസ്വസ്ഥത അനുഭവപ്പെട്ട കുട്ടികളെ മാനന്തവാടി മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.
സ്കൂള് അധികൃതര് ആവശ്യപ്പെട്ടതനുസരിച്ച് കൂടുതല് കുട്ടികള് ആശുപത്രിയില് ചികിത്സ തേടി എത്തുന്നുണ്ട്. ജില്ലാ കളക്ടറും ജനപ്രതിനിധികളും ആശുപത്രിയിലെത്തിയിട്ടുണ്ട്.
