മാഡ്രിഡ്: സ്പാനിഷ് സ്‌ട്രൈക്കര്‍ അല്‍വാരോ മൊറാട്ട ഇറ്റാലിയന്‍ ക്ലബ്ബ് എസി മിലാനില്‍. നാല് വര്‍ഷത്തേക്കാണ് താരം മിലാനുമായി കരാറിലേര്‍പ്പെട്ടിരിക്കുന്നത്. സ്പാനിഷ് ക്ലബ്ബ് അത്‌ലറ്റിക്കോ മാഡ്രിഡില്‍ നിന്നാണ് 11 ദശലക്ഷം പൗണ്ടിന് ഇറ്റാലിയന്‍ ക്ലബ്ബ് സ്വന്തമാക്കിയത്.
31കാരനായ താരം അടുത്തിടെ സമാപിച്ച യൂറോ കപ്പ് നേടിയ സ്പാനിഷ് ദേശീയ ടീം നായകനായിരുന്നു. സ്‌പെയിന് വേണ്ടി 80 കളികളില്‍ നിന്നായി 36 മത്സരങ്ങള്‍ കളിച്ചിട്ടുണ്ട്.
താരം നേരത്തെ റയല്‍ മാഡ്രിഡ്, ചെല്‍സി തുടങ്ങിയ വമ്പന്‍ ക്ലബ്ബുകളില്‍ കളിച്ചിട്ടുണ്ട്. ഇറ്റാലിയന്‍ വമ്പന്‍മാരായ യുവെന്റസിന് വേണ്ടിയും പന്ത് തട്ടിയിട്ടുണ്ട്.
റയല്‍ മാഡ്രിഡിനൊപ്പം രണ്ട് തവണ യുവേഫ ചാമ്പ്യന്‍സ് ലീഗ് ടൈറ്റില്‍ സ്വന്തമാക്കിയ താരം യുവെന്റസിന് വേണ്ടി രണ്ട് തവണ സീരി എ ടൈറ്റിലും നേടിയിട്ടുണ്ട്. ചെല്‍സിക്കൊപ്പം താരം എഫ് എ കപ്പും നേടിയിട്ടുണ്ട്.
