തിരുവനന്തപുരം: യാത്രയ്ക്കിടെ ദേഹാസ്വാസ്ഥ്യം അനുഭവപ്പെട്ട യാത്രക്കാരിയെ കെ.എസ്.ആര്.ടി.സി ബസില് ആശുപത്രിയിലെത്തിച്ചു. നാഗര്കോവിലില് നിന്നും തിരുവനന്തപുരത്തേക്ക് വന്ന ബസിലെ യാത്രകാരിക്കാണ് ബസ് ജീവനക്കാര് സഹായമായത്.
പനി കടുത്തതിനെ തുടര്ന്ന് ചികിത്സയ്ക്കായി തിരുവനന്തപുരം മെഡിക്കല് കോളേജ് ആശുപത്രിയിലേക്ക് വരികയായിരുന്നു വസന്ത(60). പനി കൂടി അസ്വസ്ഥത ഉണ്ടായ വസന്ത ഇക്കാര്യം ആരോടും പറയാതെ യാത്ര തുടര്ന്നു.
ഇക്കാര്യം ശ്രദ്ധിച്ച കണ്ടക്ടര് ഷിജു ഡ്രൈവര് ഷാജിയോട് ബസ് തൊട്ടുത്ത നെയ്യാറ്റിന്കരയിലെ സ്വകാര്യ ആശുപത്രിലോട്ട് വിടാന് നിര്ദ്ദേശിക്കുകയായിരുന്നു. തുടര്ന്ന് വസന്തയെ ആശുപത്രിയിലെത്തിച്ചശേഷമാണ് ബസ് തിരുവനന്തപുരത്തേക്ക് പോയത്.
